水草情迷

今晚去左魚街行行，去到發記，見到有我想買既亞卡西
野生$80一對，我又覺得呢批魚都算唔錯，有D都幾起色，
D旗又無爛，但係......看見個個都話發記態度唔好，
自己諗左好耐 (呢少少$80都唔想比佢袋 )
買好定唔買好 ....唔買好定買好 ....唉！鬼叫我鐘意，就同你博一博啦！

樹不知個四眼籃衫既哥哥仔態度好到不得了 ，我問佢自己選唔選得，
佢就答我，得當然得啦，但係因為D魚好快，可能會攪耐少少，我話無問題，筆完每條都問我得唔得，要我話ok先放落杯，條(也母)我都reject 左佢三次。買完魚仲送左D野比我......就係四次多謝晒，咁我都禮嘗往來回禮返三聲唔該比佢。後尾見我睇燈魚，仲同我同我講聽日返魚，多數都係燈魚tim。四眼哥哥仔，做得好呀.......

好過個肥老闆，小拿星....成碌沉木咁擺响度，見我睇平魚就聲都唔聲,
窒响中間又唔行開喎,要我走去另一邊先睇到，唔想賣平魚咁你咪唔好標價咁平羅，最後比錢我都對住個老細，送左四眼哥哥仔一句：你比好多人，襟撈好多!!!

你係唔係講堅唔係太高果個四眼哥哥仔呀?如果係既話我都覺得佢真係態度唔錯架.不過衰在唔識太識野...唔係都唔錯

係呀,咪係佢羅,我都覺得佢唔係太識野,
我知我係新仔,但我問佢問題,佢都一定會口窒窒,諗一陣先答到我!
佢咁答我,我都唔知信唔信佢好,不過無所謂啦,我都做日晒功課先去買魚~

發記可以搵到咁既人材,我再無要求啦~

我都見過這個男仔, 佢好禮貌到我唔好意思只係運吉, 我睇左1分鐘, 佢就講左5次"除便睇,有咩可幫你", d語氣都好禮貌, 因我無打算買, 所以好唔好意思咁講"唔該..唔該..", 就急急腳咁走了, 有時d sales 太好禮貌又真係有d嚇人...由其在發記

希望佢可以keep到落去喇~~~

就係呢個哥哥仔..
我早2日去問佢龍紋放左係邊度...
佢搵左一陣之後指住缸金眼話係度=.=""""

哈哈.不過...佢就係上次我問佢有冇熊貓...之後就同我講"熊貓鼠o岩唔o岩呀?"果哥仔~.~真係一絕呀~

Where is µo°O? I cannot find it on the FS map?

sel:水x世界呀^^近旺角道果邊呀^^

人家新仔一名唔識都應體諒，我前日幫佢買左幾拾元魚仔，佢都好好禮貌，希望唔會比多口又唔幫襯的客玩殘.

發記今日新番棋盤,我自己撈玩咗好耐,佢不單只冇孖义我仲猛話隨便簡. 其實唔識嘢可以學嘅,態度就難講啦.

你可以自己撈 ?
你是熟客( 豪客)嗎?
次次都唔比我自己撈，佢地就算唔得閒都要我等。

_________________

可以架.有時d人都係咁架.不過佢果度自己撈好煩~.~我就寧願叫佢地撈算~.~

就是這位人兄撈了二條亞卡西公比我，
我都醒啦，問左他怎樣分公母，去亂講完之後再撈比，我未信去lor
點知就出事啦。
不過那些識野的人真是串些的。