水草情迷

身邊既朋友，無咩人玩魚....
成日自己一個人落FS，想請教下人又無人同我傾魚經，
只有呢度大家都係志同道合，大家有兩咀。

成日o向FS見到個個兩三知己，一路買魚一路傾魚經，
自己就孤零零一個，唉......
但係總形住成日會有魚友o向身邊，成日都想問佢地，喂！
你係咪自己友呀(水草情迷網)，然後就識多個朋友仔，一齊傾魚經，一齊買魚！

忽發奇想 ，如果大家接受的話，下次有一個死o靚仔睇魚時係咁(卒）
個鼻五下，而你又想識大家的話又(卒)個鼻五下，黎確認係自己友羅！！
都幾有趣....... 唔知會唔會成間舖所有人都(卒)個鼻，然後一大班人睇完魚之後去食飯，好似快閃黨咁....ha...ha....ha......

P.S. 各師兄唔好叫我同D魚街sale 傾魚經喎，我會羅(水草店)

哈哈哈.....有趣.....好題意!!不如改為就地跳5下仲有趣,成班人突然痴左咁跳一定好好玩.....哈哈哈哈哈!!!

kalvin:
你個提都好，但係唔好攪到咁亂喎，又(卒)鼻又就地跳5下
人地疑為成班傻既黎攪事喎，好今晚就去FS 試下先！！！！！！
ah...ha...ha.....正呀

如果你能平安回家就告知我吧, 我知你無事, 才明天去....哈哈哈!!

由街頭一路行一路卒, 一直行到街尾, 單計熱帶魚店加硬件店約有60間店, 每間店試下兩次暗號, 每次卒五下, 共要卒.......600下。Wow.

你估你個鼻頭會唔會........變大, 變紅, 變腫, 或是脫皮呢?

大家約定你今晚去魚街試試, 明天出報告給大家。

過癮過癮~

我今晚都會落魚街,就試下一齊癲返晚先~

我又係,成班friend都無一個會玩草玩魚,平時自己一個行魚街唔講丫,
有一次同成班friend上深圳金典買野,我睇近野o既時候,三四個friend
o係出面d長椅坐哂o係到等我,攪到我幾無癮~

唔駛咁嚴重呀，唔通(卒)鼻都比人打！
最多人地疑為我傻，唔賣魚比我o者！！ha....ha...

好....各位一言為定，今晚就一齊試下!!
(卒)鼻五下暗號....認到既一齊食飯！

我怕我忍唔住笑呀，我而家都笑都死咁制.....he...he.h.e.h.e..aga.ga.g.a....ha.h.h.a.ha.h.a..ha..ha..

不如咁...果暗號改做...打爆缸~
一定搵到大家~

咁但係如果我個鼻好"行", 唔覺意卒佐五六o下....咁咪有人同我講野囉...都幾好喎...咁順便可以借埋tissue....haha

_________________
24吋草缸
ADA II 黑泥...
ADA PowerSand...
Bacter 100...
Hydor P10...
36W LED 燈
1kg CO2 每秒一顆 燈同步
魚: 黑線飛狐, 白點小胡子
矮珍珠, 莫絲(普通, 火焰)

arthuryan兄...十時有多了, 你回來了沒有, 我好擔心你呀, 你是否真的又跳又摸鼻呀? 希望你能安全回家啦! 安全回家就回答下啦...哈哈哈...

個【暗號】好好玩，人人好開心，
實際一啲，有時一個人行魚街真係幾悶，
時下流行合法使用409MHz對講機，佰零元一部，
可以CALL哂成條魚街，
CQ友常用16--4頻度互相呼叫，約去飲茶行山吹水，
草友不妨揸一部去魚街，CALL下有無草友一齊睇魚買草飲茶。

各位....我已經順利回到家了,各位可看(發記異種)便知我今日趣事,
整體黎講我個人十分唔滿意今次行動!ka..ka...ka......
我逢睇鯛魚都會(卒)鼻五下作暗號.....總括黎講我覺得今次行動係.....
失敗既...ka..k.a...k.a....ka.......

yeungwt兄:
我諗住我呢個辦法簡單麻.....又好玩!!
不過你果個辦法都得,我都有一部,但係我諗無對講機既魚友,寧願買多條魚都唔會咁用錢羅......
好下次我出去兩樣都一齊用先ka...ka...ka.....

再唔係....我唔知得唔得呀,有興趣搵伴睇魚既魚友,不如就當日出 post.
時間地點....大家唔駛夾,又唔會等,黎到就黎,黎唔到就下次咁羅!
睇完魚再有興趣既,一齊食飯吹魚經!!
呢個辦法得唔得呀!我下次又試下先!!

呢個方法好d,有興趣既自然會出現.

又跳又摸鼻...
咁未好似細路仔咁...
不如在店內大叫一聲:
''有無水草情迷網友?我係superctw...''
再無人應...話:
我係wt...怪獸...tonyc...+老人... gl...甚至k仔...natural design...康康仔...waynesham...gohan...都得...
相信假日人多時...一定有人會應你...