水草情迷

各師兄....小弟剛玩草缸不久...不足一個月

自小就很喜養魚,今年終有機會(地方)養魚,在yahoo 找到這一個好網,
之後在這網潛水很久,越看越發覺自己真係控制唔到多年喜歡魚的情緒,
又發現近幾年興起養水草(對不起!小弟見識少,知道養水草都不是這幾年的事),及見到各師兄養得真係好靚,於是.....立定決心,開番一缸草缸!!

自知有錢著新衫,無錢著爛衫呢個道理 ,但係小弟經濟環境唔好,但係又真係想學人玩水草,所以小弟唔用最好的器材(用唔起),在這個好網學會最基本的知識後,就開左我第一個草缸.....

詳情唔多講(怕悶親各位師兄),我今日有感而發,係想同各師兄講,
我開左一個10"草缸,用ada 泥,手動co2樽(其他濾水氣泵都係cheap野)
養左蜈蚣草,珍珠草,矮珍珠,牛草毯....開頭兩個星期我真係好驚我呢D器材養唔到,但係今日我見到蜈蚣草,珍珠草,矮珍珠都發牙生根生得到,只係得牛草毯無咩大到...但係有無枯到....我真係好開心 (咁唔好既器材到可以比我養到)但係魚仔就....落邊條死邊條,請問各師兄可否教教小弟!!
因為我真係好鐘意(魚周)魚,好靚好靚,好想養呀!!!!
仲有呢唔知點解我D珍珠養到但係有D葉黃黃地同啞色!

我自知比我養到都很好彩....希望各師兄唔好厭我.....

氣泵 is not necessary
魚仔就....落邊條死邊條? what fish ar?

我前後試過好多魚喎.....
1.有虎紋蝦,一袋30隻....現在得番5隻
2.四條羽毛刀
3.四條娃娃
4.兩條蝴蝶斑
5.兩條王子
6.兩條石頭魚
7.兩條黃金善.....好奇...又唔見佢地食野,但係到而家仲在生??

@@ too many fish
usually 1 L water ,1 x 1 cm long fish

唔係呀...我死左先再養架.....
一款死左先再養另一款魚架

有冇對水?

新缸第一個月水重未定，硝化糸統尚未健全，第一個月好多時都會養乜魚都大多會死，所以新缸放落去養嘅魚係魚友口中叫做(死仕)，故很多有經驗嘅魚友都會用啲山坑魚嚟養水用養箘，第二個月水定先開始先慢慢加魚，你唔好咁心急呀，養魚要好耐性，同時記得唔好餵咁多，我個缸成百条魚，都係隔2-3日先餵一次，重係小量，買10元3包嘅凍紅蟲，食足40日，魚唔會餓死，最多就係唔長大，水中好多藻魚都食到，好多人養魚都係飽死啲魚，同食剩嘅食物腐爛攪壞水質以致毒死啲魚，慢慢學習啦，唔好心急。

更改

其實會唔會係你太多草呢？因為會我見過有魚友果缸ｄ草太密焗死魚～，～

你買乜野魚都唔緊要，最緊要係有消毒先放落缸！尤其係袋裝魚，好多時魚街ｄ水你睇到都係袋袋魚都係用o個缸水咁濟，想唔惹到菌都幾難！通常消毒左既魚，ｄ菌無再黏係魚身，養活幾會高好多！

手動co2樽
好似要成五十幾蚊,可以用幾耐呢?計落化唔化算嫁?
DIY co2 會平D。或上深圳金典買co2樽,幾十蚊連樽包氣,可用半年先再叉氣!
你口中所講嘅唔完善器材+死魚都幾百蚊啦!!
幾百蚊已經可買一套完善嘅國產器材啦!!
蝴蝶斑係汽水魚,要咸淡硬水+大量氧氣,草缸養唔到!!
黃金善會咬魚仔同鑽泥,都唔適合草缸養!
比D心機搜尋舊文,睇吓人哋邊度買嘢平同正及各種魚類嘅特性,
噤就玩得精明又開心la

P.S.你養過噤多種嘢都死,我諗係氧氣含量問題!!

_________________

CO2切勿開得過大!
CO2開得太大亦會令水中含量過大，導致魚魚死亡。

留意，留意！

1,2,3,4,6我新手都試過...好多年前
不過我記得個陣唔識定水佢地好易死
but你d蝦有死剩,但王子都死,好離奇下喎
就算買返黎既魚冇經過定水,王子都應該冇咁易死啵...請問你可唔可以提供一下你買既魚既次序呢?上面的1,2,3,4,5,6,7已經排次序了嗎?如果知道可能可以幫到你搵到問題所在la

係呀,皇子都死??
我條皇子養左成年都未死.....生命力極強

完全同意呀，我都係國貨支持者，但只限係深圳買，絕对唔支持魚街，我支CO2都係深圳荔枝公園度買110人仔包樽包氣及氣喉連細化杯，但有好多朋友話出氣唔隱定，但係我買個時佢俾我個套氣喉連個一個好似止逆閥嘅装置，經我细問後，知道唔係止逆閥，而係一個隱壓裝置，我而家用咗個半月，出氣都好隱定，無乜問題，好多人話上深圳買，車錢都去咗啦，你咁想法就錯啦，我係深圳買咗支 9W UV 燈，170人民幣，換插頭$5，連車錢加埋唔使$250，同樣貨色，一模一樣同牌子國產貨，只不過係唔使換插頭，你話魚街賣幾錢，係$390呀老友，就算專人運送都唔使咁貴，如果除開車錢，就開双都唔止。