水草情迷

請大家幫忙解問幾個問題, 以便清楚了解某間鋪的經營手法!!!

問題如下:

1. 有無魚友曾經係新基差氣, 而俾新基差壞o左個樽?
2. 個氣樽個開關掣內是否有一支"針"? 如有的話, 是否好整壞, 如歪o左等? 一壞o左, 就無得整, 成個樽報銷?
3. 魚街的鋪頭是否用專門為氣樽差氣, 由外國入口, 價值70多萬的機械來差氣?

希望各位師兄幫忙解問以上幾個問題, 小弟再同大家講講昨日的經歷。

個頭扭實無事~ 開氣就同時漏氣

收貨最好帶埋個表頭試下開樽吾開表會吾會漏氣~

1 , 我去差過一次 , 無壞
2 , 唔知
3, 有兩種 , 一種係樽過樽 , 另一種係幫你拿去新基 or 同類有加氣設備既公司

1. 差過好多次, 冇壞
2. 係, 有枝針o既, 不過唔碰撞, 冇乜理由會壞到, 最常有問題o既, 都係o的 o-ring.
3. 差氣其實應該係有牌照先得o既, 你話魚街店會唔會有呢.... 就是同你差, 都係樽過樽o架咋.

_________________
多多交流, 多多研究, 多多搜尋
我的水族相簿

我成日都去個到差氣，無咩問題
唔清楚，唔敢亂講
至於魚街話...........佢地講o既o野唔好盡信

無良SALES係咪想昆你買新樽呀？

1/ 叉過兩次， 未出過事 (消防CHEAP樽)。因為新基ＣＯ２樽係救火設一種，有嚴格法例規管，佢唔敢亂嚟。
2/ 消防樽扭手軸心底，有一片１.５ＣＭ銅片，有軌管住，祇有走軌才有機會壓壞。如果壞了，一叉氣佢應該知，一叉即漏。漏氣九成以上,都係版主所講的Ｏ－ＲＩＮＧ出問題，（小弟每次叉氣之前，都換新Ring）
個開關掣有得換，去新基攪攪佢，可能祇是小問題。
3/ 七十萬個機，魚街有的機會唔大。二百蚊叉一次，有排番本。
　　
新基的服務都未試過有投訴，有魚友叉完漏氣，拿回去立刻同你換Ｏ－ＲＩＮＧ。小弟個人意見，比起魚街佢有一百分滿分。

新基very good

3. 魚街的鋪頭是否用專門為氣樽差氣, 由外國入口, 價值70多萬的機械來差氣?

唔係下....邊間呢?魚街話幫你差??
但我見過某間個伙記一車仔去新基道,
如果比魚街樽過樽通常都唔太足,
我個人就喜歡去新基又平又足又好服務.

_________________
"一起推動水族設景潮流, 集思廣益, 雅俗共賞。"


aquarioforest 綠林水族

3. 魚街的鋪頭是否用專門為氣樽差氣, 由外國入口, 價值70多萬的機械來差氣?

可能間鋪指新基差氣部機由外國入口，價值70多萬。因為佢都係拎去新基到差氣，不過佢冇話你知o者。又唔通.....新基佢有份......哈哈哈哈

_________________
"一起推動水族設景潮流, 集思廣益, 雅俗共賞。"

http://www.cau-aqua.net
施比受更為有福
忍一時之氣，風平浪靜
退一步，海闊天高

1.新基差氣服務 快夾好
2.我吾識，唔敢亂講。 上次差氣，正如版主所講的Ｏ－ＲＩＮＧ真是壞左，好在嗰次同sonnywinter 兄一齊 ，幫我解答，新基仲免費煥添 [我嗰樽吾系同佢買 ]在此多謝先
3.我吾相信魚街鋪頭是用機入氣 [70多萬的機械來差氣]仲吾大大隻字貼系門口咩 [70多萬的機械來差氣]仲洗叫你遲小小先返泥取樽咩

多謝各位師兄,

事原小弟昨日(星期一), 因為個氣樽個開關有d漏氣, 所以拎個氣樽去果間鋪度問有什麼問題, 佢地係鋪外試過, 真係有漏氣, 但同我講個樽裹面支"針"壞o左, 無得整嫁啦 ,我問佢, 買o左一個月多d咋wor, o甘易壞??? 佢跟住就問我係邊度差氣, 我答佢係新基, 佢就話, “唉, 您地d人成日去埋依d地方差氣, 更係有問題啦!!! 佢地用果d係幾千磅力的機, 係唔o岩d細樽嫁, 我地係用專門為氣樽差氣, 由外國入口, 價值70多萬的機械來差氣, 有2個師父去做, 先o岩呀!!!” 跟住仲要話 “依d鋪頭一年都唔知整壞幾多樽嫁啦!!!”

講完又走o左去講電話…

成10分鐘, 講完電話, 先再問我有乜問題, 我再問, 差o左一次氣咋wor, 都無理由o甘易壞嫁? 佢又答, “好難講過wor, 您每日開關個掣, 都好易整壞嫁wor!!!” 我立即答, 我係用電流閥, 係唔需要每日開關!!!

之後, 又走o左去講電話, 成10分鐘, 佢先跟住就話, 總之支針壞o左或歪o左, 絛得整, 我話個開關掣姐, 應該好簡單, 無得整??? 佢又教我, 話個樽頭係o係外國用機扭入去, 無得o甘換過另一個樽頭既!!!

最後無計, 惟有走啦, 本來差d聽佢講, 即係個樽壞o左都無用嫁啦, 不如丟o左佢算數, 本來早前仲惗住換個3呎缸tim, o甘易壞既, 乜都唔玩吧!!! 果刻真係好想丟o左個樽, 突然心血來潮, 橫悟都壞左, 不如去埋新基, 問問新基有無得攪, 既然係佢地差氣差壞既, 死就死啦, 去埋先算啦!!!

一入到去新基, 阿四眼哥哥仔 (各位請講講依位哥仔貴姓), 了解o左我個問題, 試一試, 就話真係個樽頭有問題, 不過換o左個樽頭就得嫁啦, 佢仲好好o甘問我介唔介意某個價錢 (係好小數目, 幾拾蚊果隻), 我話無問題, 一陣間, 就整好tim, 佢仲話依個無o甘靚仔, 遲d再有d樽頭番, 可以下次去差氣時換過個tim, 幫我上番個標頭, 再試埋有無問題!!!

以上就你小弟昨日的經歷!!!

而係魚街果間鋪時, 其間個老闆係o甘講電話, 我一直係o甘等, 佢都無解答晒我d問題, 係o甘講電話, 完全唔尊重作為客戶的您!!!

番到家中, 駁好晒d細化器, 無問題!!!

收尾, 我突然想起一件事, 其實係我買個樽的時候, 係第二日已經無晒氣, 因為唔識野, 以為新樽只有少少氣, 心裹仲問點解間鋪唔同人地講話個樽只得少少氣, 等我差埋氣oY, 唔洗又要拎住支樽走黎走去!!! 我呼立即打番去間鋪, 先問個老闆, 新樽係咪唔洗差氣就用得嫁?? 佢話係!! 我咪同佢講其實我係今日黎過果個客, o甘講既話, 支樽其實一早有問題, 因為第二日已經無晒氣, 佢問點解唔拎番去, 我就係以為新樽只有少少氣係正常既, 同埋要個幾月先用完d氣, 本身個樽就係已經有問題, 佢立即話, 您買o左成個幾月, 係口同鼻拗, 係完全推卸責任, 我只係同佢講唔試完點知有問題呢, 同埋我以後唔會係你度買野, 就收線!!!

好彩最後都係谷底上番o黎!!

依間鋪係邊間?? 係新發記對面, 個老闆係叫人"要矮"果間, 估吓啦!!!

好同意另一位魚友所講, 果間鋪既售前同售後服務簡直係兩種人!!!

睇黎濱x的銷售態度近來出現好多問題。其實人地話佢地d態度好，我就唔敢講，因為我通常入去轉一轉就走，最多幫趁下3包蟲，但憑我買蟲所經歷的態度，尚算可以。

唔知仲有無其他朋友有類似經歷？

唔明乜野係要矮..??

幫襯得米高多左, 早排都開始覺得佢有問題...
一直以為自己多心.. 我都係貪佢果到D 野平...
其實熟左反而個靚仔仲好.. 有時平左之後唔夠散紙都會算...
而呀米高就絕對係生意格.. 重錢多D..
以後係呢到做好晒工課先好去買呀..

新基﹖冇得頂！

3. 魚街的鋪頭是否用專門為氣樽差氣, 由外國入口, 價值70多萬的機械來差氣?

照本人理解，應該係話佢自己由外國入口，身價70多萬，用佢自己對手，樽過樽咁樣去差氣。 應該係咁，一定冇理解錯！
(仲有，佢話埋俾你知搵佢幫你差氣，一定唔滿，所以唔會有頂壞支針的情況出現。 ^0^)

水草人你真係好鬼抵死既嗟..............哈哈