水草情迷

有人轉帖左個全用ADA非常之勁既缸比人睇, 點知理x水族話多如, 冇必要洗禁多錢搞個缸....
看後覺得 -- 如果跟理x水族D人學野, 就唔洗指意有進步, 佢地簡直係香港魚/草界既毒留.
一D都唔專業, 朋友三思先同佢地買野.
其實那人只係用D基本開缸用品.

_________________
穀精系列：霧島產穀精、鹿児島產朝日穀精、日本產穀精、日本白玉穀精、玻利維亞穀精2000, 2002, 2004型、南美Mini Taco、聖弗朗西斯科穀精、印尼蘇拉威西穀精、印尼火燄穀精、香港尼泊爾穀精、越南芒楊縣穀精......

個人尼講一係用D其他牌子既器材， 要靚就買 ADA。 買抄 ADA 樣既野同買翻版碟一樣。

_________________
Bye Bye Mash BB! 你要保重， 你永遠係我既乖BB。

直頭post條link黎睇睇啦!!

個人黎講唗咁多錢我都覺得好多餘

我觀點係，魚缸，究竟係養生物植物定係硬件show room？

技術不佳者，養到魚蝦草全軍覆歿，再有品味o既器材又有何用？？

咁又話分兩頭， 用好既器材唔一定養好魚草， 無直接關系。 但係有好既器材， 養都養得開心， 安心， 濾桶我只買 Ehiem， 因為 Eheim 30 年來從來未有今我失望過；發熱線我買 Dupla， 因為我要十年以上都唔翻缸 有事時唔會電死我； 放出尼既器材我盡量買 ADA， 水草缸都係想靚， 而 ADA 真係靚。 CO2 更加唔洗講， 樽我就用有 BS 既滅火桶， 年年去驗， 其他野只用德國野， 我唔想為一千幾百蚊要體驗到 60 bar 既威力。

_________________
Bye Bye Mash BB! 你要保重， 你永遠係我既乖BB。

主要問題係: 佢地一路自稱係專業養草/養魚店舖! 但佢地自己都唔用/未用過靚野, 點知咩係靚野?
淨係識得叫人用atman桶....xilone Heater

講開E咸筒，唔知你呢3，4年有冇買過

自從筒身轉左大陸做之後，QC差到嚇死你，水口位收得差，披口又多，真係連Atman重好過多多聲

唔知係咪我暴力得滯，兩個方筒加埋8個扣全部都比我開爛過，另外再配換左好D冇咁易爛

講起漏水重火滾，開完筒關返有時會滴水，要再開再關N次先ok，完全唔知咩事，谷鬼氣依家係摩打頭包水喉膠布了事


sorry~樓主，小弟有點離題，見諒

要視乎你專業o既定義係乜野，我比較著重魚缸o既內容

再者，成日都有人問我已經買左D乜野乜野，點解成缸重死乾死淨？Oh No......

依家D人嗜好太多，養倒1-2年已經係好有耐性，幾千銀買套架生養左3個月就扔埋一二角鋪塵大有人在，買咁貴o既野簡直就係浪費

因為e咸佢地大陸入唔到貨冇得賣
atman就有大量

_________________
熱帶魚炒賣,平價魚增值,粉絲當魚翅.

x2
其實就真係各花入各眼...我o係牛潭尾見d師兄養d幾千蚊o既金魚錦理o係d綠水度，條魚游左去邊我都睇唔到，人地有一種樂趣。
有d師兄儲好一套ada...放o係公司張枱度，可能入面放幾條紅蓮燈已經好骨子好好睇。都係一種樂趣。
我諗如果放一個玻璃花晒o既銅油灰魚缸o係公司張枱都幾funny...
我個人就好鍾意欣賞有d品牌o既設計，所以ada d野先至會斷越來越貴仲要有錢都買唔到...我又真係好少見話atman d野賣到斷晒貨要訂。
有d人話用d"平野"o既效果一樣，但係事實上好多時呢d平野跟本就係抄人設計o既老翻。

抄功能的話我可以接受， 抄個樣就真係唔可以， 仲要唔知點解， 抄人既水族器材個樣硬係連 A 貨既水平都達唔到， 同真野比， 點都係一眼就睇得出， 只係抄到大既個樣， D 精要位就完全抄唔到。

_________________
Bye Bye Mash BB! 你要保重， 你永遠係我既乖BB。

幾千蚊買條錦鯉甚至幾萬蚊買條龍，冇問題。因為你係養魚

買成set名牌架生返黎養條燈，就好有問題，你係用條魚去襯托個缸，條魚死左唔緊要，換過條，你只係欣賞個缸同其他硬件o既設計，呢D唔係叫養魚，係show器材

發明各種硬件時，唔係為左更簡單方便，更安全可靠去養魚架咩？乜依家掉轉晒？

當然，你有能力花得起去提高自己o既品味，好事黎，但買得起唔代表有品味，個缸吋草不生養乜死乜，何來品味？麻煩請先增加自己o既知識，確定真係有興趣去養先好買，唔係屋企又多幾舊貴價垃圾

唉....可能依家真係唔同晒，我D老野重未適應倒新思維，小弟只係針對家中堂弟發下牢騷，並非講緊各位師兄，見諒

買成 set 名牌養咩我覺得唔係咩問題， 唔通養魚一定要養靚魚貴魚， 才可用高級器材？ 唔可以從玩魚既角度去睇， 我個缸有好多五點鉛筆， 因為我鐘意， 覺得佢靚， 但係我都有好多最 cheap 既紅蓮燈， 因為我都係覺得佢好靚， 魚既價錢同佢靚唔靚， 配唔配用怎麼器材， 同養唔養到好魚好草， 個人認為一樣係無直接關系。

而家養魚養草既人， 好多以經唔係好似以前咁， 缸裡面才是一切， 其他既野唔重要， 用到就得。 而家由其係草缸， 係一個整體， 無論內與外都要講求美， 唔可以講係器材 show， 只不過尼個世界係好現實， 無又平又正又靚既野， 唔買名牌好多時只可 2 選 1。 至於品唔品味， 我真係唔識， 唔敢點發言， 但係我要求係起碼我自已覺得靚， 好睇。

至於 Draco 兄講果 D 一買就買哂所有貴野， 然後全軍覆沒， 我識既大有人在， 我最讚成呀， 因為我次次都會去佢地屋企充供哂所有物資， 然後係咁易比翻封利是仔，正！

_________________
Bye Bye Mash BB! 你要保重， 你永遠係我既乖BB。

最慘我堂弟死唔斷氣，自問D家當都唔失禮，只係以安全實用為原則，佢個A乜A缸吋草不生，塊玻璃青苔多到睇唔倒入面咁滯，竟然黎串我話我套野冇厘品味唔夠專業，果下至火滾