水草情迷

由於不斷有鼠魚被整盲，忍無可忍，決定暫時將兩條四寸長疑兇扣押。

個缸有魚有木又有草，真係頭都大埋，一於等插草抽水之日先一次過搞。本來諗住溫柔ｄ，慢慢趕埋網，但係一輪追逐，草被抄起，木又歪埋，終於要連木都抽起埋暴力對待先得。

苦戰半個鐘，兩條肥仔疑兇就逮。收網楂乾水，發現成個網都起哂膠，直情係黐手o個隻，楂完o既網係一舊紙咁唔識彈開！佢地都真係好驚下．．．

家陣我會觀察一個月，睇下仲有冇鼠魚受傷。但如果仲有，我真係唔知怪邊個囉

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

小弟未養過三間鼠，乜佢地咁狠o架咩?

請注意，佢地只係疑兇

事緣每當我減糧，我就發現ｄ鼠魚遇襲，所以懷疑大隻鼠食唔飽，四圍吸／搶食時吸埋ｄ鼠眼。

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

嘩! 唔好嚇我!!!

我昨晚才買了2隻放入缸(希望它們真的是疑兇, 不是真兇)