[問題]回想一下點解會開始擺個缸起屋企?

marvinhung · **註冊時間:** 2004-04-27 23:04 **文章:** 197

岩岩翻緊缸, 又一次插矮珍珠插到眼坦坦上黎抖下 , 回想返點解會整第一個缸.......
以前係見到朋友有個缸起屋企, d 魚入面遊下遊下好過癮 , 於是就自己整返個, 之後唸住插 d 草點綴下....點知連帶落黎有咁多野........ 突然有 d 心淡既感覺, 可能

ngtony999 · **發表於 :** 2004-05-09 21:07

我都係同你一樣,見到人地屋企有一魚缸,好似幾得意,跟住自己孜整番個,初初係用d塑膠缸

,(即係好鬼細個果d),跟住又換左個套缸,跟住就覺得套缸加唔到其他野,所以就轉左個普通既魚缸,依個歷程都大概有四年,最金都係由套缸轉去用普通缸,又要買燈,濾水,co2,仲有其他濕聲野,用左我成幾千錢.
不過到依,有時間概時候,又可以睇下d魚,屋企人又話幾靚,d親戚朋友黎到屋企都話靚,都幾開心既

,而已星期六日,如果冇野做又可以攪下個缸,都幾好既

,但係不過我又冇好似你咁樣,有心淡既感覺wo~~

Chavez · **發表於 :** 2004-05-09 21:14

我有時都有哩啲感覺，應該叫『意興闌珊』。
不過，已經洗濕咗個頭……回不了頭…悲乎哀哉﹗

jasonlpy · **發表於 :** 2004-05-10 02:13

我最初係由個friend 比個7吋缸我開始~~
當時only拎個缸返黎, 就走去買魚~之乜都唔識, 開一缸水喉水就掉d魚落去. 以為有水乜都得....
到搵到份暑期工, 一出糧就走左去買左個套缸, 做要整埋底砂過濾, 後黎先係呢度知道咁樣種草係唔得...真係頂.......重搞到一wok 泡...
後黎決定慢慢學, 差不多成年幾, 岩岩先真正set 第一個缸~~~
由開始到宜家, 陪住我既就係果條比我咁搞都唔死得既藍斑馬~~

Macbrush · **發表於 :** 2004-05-10 04:06

我而家又係！玩 3 呎都試過差點放棄幾次，最後都係死死氣剪草。最近有些閒錢，換個大大缸完成細個的心願，而家正在等以頂了的水草沙到貨，以放了幾條開缸魚開濾水器都兩個禮拜。個 3 呎又爆到頂，原本想唔理生多 D 草比新缸用，但係真係太多，都要剪，一路剪，一路想將來要剪個大幾部的缸，真係有 D 驚！望下望下清缸又真係幾方便，真想就咁算！

狐狸 · **註冊時間:** 2003-12-12 17:44 **文章:** 158

小學時已期已經被我哥影響, 所以都諗住有自已屋企就會買過魚缸.

現在每日睇住D魚同草, 得閒就剪下草攪下D缸, 都幾寫意.

傻豹 · **註冊時間:** 2003-03-01 09:10 **文章:** 166

哈哈,回想第一次點解set個魚缸o係屋企,都係諗住同老媽子鬥氣~
好多年前果陣o係街拾了兩隻貓仔返屋企,我媽極力反對,要我
拿走兩隻貓仔,我死都唔肯,點知佢趁我出街掉左兩隻貓仔出街,
我一怒之下就買左個18"缸返黎阻住佢,吹咩~
記得果陣都仲未興養草,唔係開頭養熱帶魚乜都唔識,
結果就養幾多死幾多,之前萬念俱灰,轉養金魚,唔洗點理~
過左一段時間,見到魚街d display草缸好靘,又開始想心思思想整返缸,
開頭又係乜都唔識走去養草,頂濾,無co2,得支紫管,後果就梗係唔洗講la~
後黎上網發現左呢到就開始真正出事la~
即刻走去魚街買多個18"無擔o既缸,又ada泥又濾桶又co2又燈,
嘩~ 錢呀~ $$$$$$
今次梗係成功啦,點知越玩越過癮,趁屋企裝修,換個40"缸返黎,而家
都係3-4個月到o既事,而家又開始想玩咸水添,死啦呢次,呢個無底深潭
幾時先完~

無知人 · **發表於 :** 2004-05-12 08:54

如果唔想不停剪草，不如試下"陰缸" !!

細個o既時候，屋企都有養魚(金魚)，但之後因唔夠位，所以冇o左。
我一路都想養番，之後我考完會考，無野做，就開始養魚。
初初咩野都唔識，用水喉水養，用小膠缸養廿多條紅蓮燈，當然全軍盡墨

BOBBBY5555255 · **註冊時間:** 2007-09-15 14:12 **文章:** 72

唔知

F91 · **發表於 :** 2007-09-15 15:11

阿媽無神神拎左幾條金魚返黎.....屋企又無缸.....搞到無神神走去商埸迫住買左個14"套缸.......之後又買下呢樣果樣.....一路玩一路癲..........14"玻璃膠有問題轉缸變左36"........幾個10"缸仔(家陣無左)
到家陣3個養緊魚既缸....36"(草..其實都無晒草..三線同雜魚) 18"(海水) 17.5" (蝦同三線)

呢2年都停晒手無點理佢地囉

蠍子仔 · **發表於 :** 2007-09-17 12:43

我家姐俾幾條聖誕莫絲，個客俾四條孔雀，個女唔要的８吋膠缸
自己極喜歡的細掛濾，在河邊取的河沙，整整下，
而家，攪到廳有個２４水晶蝦缸
房有個１８吋櫻桃蝦缸，
公司有個３０吋金魚缸，
那個８吋膠缸，做左阿四用來放水族用品

awth_hk · **註冊時間:** 2005-11-03 10:11 **文章:** 3773

細個, 亞媽買了幾條紅運當頭開始接觸水族.....之後錦鋰.......朱仔魚....當時只係幫手換水

中學至大學時 ..... 自已睇書學養熱帶魚種草......由開始籌備, 買硬件, 到set缸, 都好有計劃..... 自以為比到一個好完美的環境佢地, 見d魚游來游去.....好有滿足感.... 但冇人分享果種滿足感, d朋友又成日call我去街....冇心機打理.....放棄了.

1996年, 讀完書返香港..... 冇咩朋友.....自已傻下傻下行魚街.....又引發起養魚條癮~ set完缸又係度欣賞自已的成果....但一到夏天就死晒火...... 最後2年多又忙住識女仔而放棄了. 當時仲覺得ADA好鬼貴.... 但都買左套Co2 set.... 用到而家, 成10年了~!

2年前至今, 今次又養返....係因為唔駛再識女仔, 沒咩事都唔好要我出街啦~ 又熱又多人~!! 悶悶地咪認真甘開返個24".....點知原來多左咁多野..... 水冷, Co2, t5ho, eheim桶, ph環...什麼什麼.....以前買唔起, 而家負擔到.... 全部買晒....同女友一齊set缸, 多了話題.... 有次無意中發現情迷, 同網友有傾有講, 開心好多.... 又比人毒.....而家又蝦又鯛.....日日心掛掛, 放工必定回家餵魚, 星期六必定用3-4個鐘換水.......但感覺還是一樣......成功感 + 滿足感!!!

阿飛 · **註冊時間:** 2004-01-10 22:58 **文章:** 122

去左魚街一次, 之後上左情迷兩個月, 其間一放假就去魚街, 跟住屋企就多左個十八吋缸到現在, 除左剪草時間, 一直都好開心! 不過細缸玩陽草真係剪到傻......

花子 · **發表於 :** 2007-09-20 03:12

我就是有次行三越
見到有人推廣氧氣珠養魚
話乜都唔使就可以用個樽仔養魚
最後當然條魚無左喇
跟住就對魚魚有左興趣
換個六角型細缸再養
去魚街行見到水草缸好靚
又換個大些的缸
慢慢就越換越大
到而家個終極魚缸櫃都是特登訂造返來方便養草

kk520y · **註冊時間:** 2007-01-17 00:01 **文章:** 128

[quote="傻

水草情迷

[問題]回想一下點解會開始擺個缸起屋企?

誰在線上