水草情迷

我用緊 ATMAN 11W，效果唔錯，重有一隻記得好似係TWIST咁上下，係大陸價錢差唔多，UV 燈係有膠包住，唔會透光，紫外光對魚及人都有害，所以係會採用唔透光物料做外殼，人同魚唔會俾紫外光照到，所以唔會影响人同魚。

UV 燈其實只對綠水有明顯效果， 對其他藻有很小的防禦效能， 但萬一爆發就完全無用。 佢會加速微量完素氧化，如果你是用貴野好似 DuplaPlant24 就要唸過。

其實除了無辦法要除綠水， UV 燈對草缸並唔健康， 何況如果真係有其他藻， 應該對正下藥， 知其問題所在， 一一解決， 才是養草之道。

完全讚成Macbrush哥的講法，算uv燈法力無邊，其成因大都是自作孽。

唔開燈幾日...d藻開始受到控制.....但因為小左燈照時間...有d草開始枯...........

所以我寧願買隻螺都唔熄燈~　

不過d澡依然冇減少...　

如果D藻生在浮木或石上，都幾似大自然。

uv燈確實有用,用o左之後水草都生得好o的,嘔泡都多o的
講真買螺唔係太有用,生藻既速度可以快到你唔信

另外問一句,大家知唔知uv燈FL好定PL謄好?

MACBRUSH兄，UV燈對水草缸唔健康，原因係乜呢？希望知多D。
我都有用UV燈，用既係台灣牌字，最細型號，東X賣290蚊左右。我新缸D水濁左好耐唔清，試晒所有辦法，最後買左UV燈唔使兩日就清番晒！不過UV燈又唔係萬能。我個缸而家仲有少少藻，在玻璃上面隔幾日就出現綠色斑點藻，但就冇上D葉度，之前出現過既咖啡就唔見左勒。
之前在網上搵資料，記得話除磷，加鉀，咁D水草就會搶肥搶贏D藻。我之前部腦「瓜」左，篇文亦隨之化縷，所以未能供諸同好，SORRY！

第一就係會加速微量原素的氧化， 第二係水草缸要養得靚生態係好重要， 細菌或者藻類胞子多小是會自然調節的， 用左 UV 失衡時要好後期先會發覺。

磷無錯係一大原因， 但係如果密植水草又係陽性缸， 其實好多時唔係太多磷， 而係缺乏某種其他原素以至植物不能有效的用磷， 如果全 cut 肥， 好可能植物最後都敵唔過藻。 努力去搵平衡點吧。

當然有啦,
那些燈會對視覺有損害, 你唔會意發覺,
對皮膚, 長期會皮膚x,
如果想買來用, 又平, 其實不在魚街買就平, 都係一樣,
哈哈
其實那些燈是用來殺箘, 醫院常用, 但一 開燈, 通訊都唔會有人, 所以各位小心,

可唔可以post uv 燈d相呀?

_________________
重投鼠魚懷抱!!
愛上猛魚,暴牙,河虎!!

兩三天就已經改善了,好後期先會發覺?魚缸本身就不是大自然,本身就會失衡.去搵平衡點?點搵呀?如果用n禁多儀器去找出數據,再用n禁多儀器平去找出平衡,小弟可能唔想浪費太多時間,我寧願用UV去失衡攪好過缸,如有失言,多多包涵.

我覺得魚缸本身雖然不是一個完整的大自然,但其中的N-cycle,草的光合作用等等,都是大自然中的東西,所以魚缸可謂一個人工的大自然吧!
平衡點,沒錯,是很難找出的,我們要做的,便是不斷管理魚缸,使其接近平衡點,所以一旦疏於管理,藻類便會爆發了.
雖然我未用過UV燈,但看它對水的影響,便知是不太好了,就有少少像除氯水,清水劑般,開頭有明顥的改善,但長久來看,對魚對草也不好.
所以我認為當藻類大爆發時,就可以用UV燈幫手,但當藻類受到控制時,就最好自己好好管理返個缸,不要靠UV燈了.

甚麼是平衡點?大自然有很多微生物,又有很多礦物質,又有很多菌,又有...,可否詳細講解點様平衡?點様管理呢?
疏於管理,藻類便會爆發?這就是使用uv燈的原因囉.這亦相信就是甚麼管理了.

清楚自已草缸的水質變化， 能配合光量， 給予充足的 CO2 和養份， 約剛好給予植物最佳的環境生長， 我想這便是平衡點了。 不需很多的知識， 不需要一個學位， 便可達到， 重要的是心態。 也不需人們想象的那樣成日 test 這， test 那， 開始時可能需要做多一些， 有經驗後 (最好還是寫下來) 沒事沒幹一兩個月到測一次來確定自已的觀察便可。

清楚草缸不斷的變化， 也有助草缸保養， 我換缸之前的 3 呎缸， 我唸便是一個好例子， ADA 泥用了近 4 年， 軟水能力， 加酸能力， 礦物吸乎力也在不斷改變中， 怎樣保持著水質不變需要知道自已草缸的平衡點， 也需知道怎樣才能保持在比較近平衡點的水質， 和一點點學問才能夠達到。

有人喜歡 DIY 器材， 但我喜歡 DIY 水質， DIY 肥料， DIY 養草。 道理是一樣。