水草情迷

唉．．．我成日睇見大家話D草點好點好，D魚點生猛，我都好想好似大家咁．．．．
但係．我係之前辛苦左幾個晚上，等左幾個星期，終於個水草缸大功告成，點知好景不常，D草博命生，D魚搏命死，都唔知所謂何事．
我唯有嘆一句，開缸難，守缸更難啦．．．．．．

係咪太多CO2呀?

死o左d 乜魚?

係唔係你一路都想住個草缸點擺景,種什麼草,一直都只為想住o的水草,而忽略o左魚的需要呀?有時佢o地都幾小氣o架!

長頸利兄,

1. 請問你的小蟲蟲解決o左未? 有否落藥?
2. 現在用的泥是否還是混合泥, 啡泥加不知明泥? 現有幾厚?

我想是你的缸設還有問題所至.

我翻缸後大約兩三个星期都未掂呀.....

水唔清又瀆....落ECA又暗不但Ｄ紅蝴蝶又唔掂

多謝你地.....d 一粒粒的蟲已經唔見有,但係有時見到一d一節節的蟲係d葉度.我試過可以用鉗夾佢出來,但係我唔知佢係乜蟲.
講返我個水草缸....
我個水草缸初初仲好地地, d魚冇乜點死,但係有一日,我見個後景草有d霉,於是就將佢連根拔坎起,之後種左迷你寶塔.
初頭一個星期都好好,但係自從d寶塔生得太高,我修剪過之後,d紅蓮燈,孔雀,黑摩利,小精靈相繼死去,d水草也都唔係生得好好,仲有澡同青苔出現.
我諗我可能要從頭來過...........

是否下了太多肥料呢！
硝化系統好像不太成熟喎！

我點先可以知道個硝化系統成唔成熟呀？
你地ｄ黑摩利會唔會咬草？
有冇人可以分享一下剪草的心得？我覺得呢一樣好難做得好．究竟係成棵草慢慢拔出來修剪，定係只剪走上半ｐａｒｔ呢？
整後景草先，定係前景草先啦？我係發記見到一本佢地掛係度俾人睇的冊子，入邊教人先放少少水，剛好可以插前景，之後，再放水插中景，再放水插後景．我以前係放半缸水，再後中前咁插，但係成日插緊中景時，個ｄ後景草ｄ葉又貼到我隻手，唔覺唔覺，跟住係點唔洗我講你地都佔到啦，係啦，就係又要再插過．．．．．唉．．．．
我又試過將幾棵用線綑埋一起插，係就係易插左，但係個效果唔係咁好，而且要修護都好煩，我諗你地可能仲有更好的方法，可唔可以過ｄ料我呀？多謝．．．
我仲想問一樣野，就係個發溫器個尾可唔可以插少少係d泥度呀?
唔該哂..

成熟了的系統, 水在嗅起來時, 是沒有魚腥味, 水面沒有浮油, 水質清澈如透明一樣.
黑犘利是會食藻的, 亦同時會吃草的.
剪草不會一概而定,要看品種的呀, 記得之前有過討論, 找找吧.
幼身水草, 種在夠厚的泥, 應該不會容易浮起呀, 如果是粗身的, 可以在根部, 捲一塊細細薄薄的濾綿, 再插入泥內, 就會很實淨了.
暖管的發熱位就在底部, 要有對流才有用呀, 不可插在泥內啦.

_________________
多多交流, 多多研究, 多多搜尋
我的水族相簿

插草講求工多藝熟o者, 我通常係個缸滿水時插草, 無乜問題丫。試o下插草入泥後, 先放開個夾少少, 然後搖鬆d泥, 等d泥滲入個'龍'度, 再將個夾合番埋少少, 最後才慢慢的將個夾抽出來。咁插法無論粗幼, 或者幾顆一齊都冇問題, 萬試萬靈ga。

插草是否買把靚鉗 如ADA

去裕華買把鋼鉗已可啦...
廿幾蚊一把之嗎...

我插草的鉗同剪都是在大陸百貨公司買手術用的.
又平又正. 鋼鉗二十幾蚊, 鋼剪都是三十幾蚊.

If the tank is not too high, "PriceRite" has a 鉗 (short about 5-6 inch) which cost only HKD4.00!!!! Take a look.