|
其實6日唔太多
如果自已去, 又第一次去, 我都建意係6,7日,
不過機票停留時間一般通常係5.6日. 唔係要加錢
不過加都係加幾百, 如果係有時間, 加錢都值既
如果單係去台北, 唔會去太遠的地方, 又第一次去, 可以建意以下
如果係食既, 一般plan 夜夜都去夜市就冇死錯人, 夜市有d 真係好細,
所以去d 比較知名既比較好.
住可以住天成(近火車站, 捷運),
東龍(西門丁邊皮, 行去捷運都不遠.
如果想近, 又想旺, 可以直頭住長虹, 不過房間有機會dirty)........,
呢d都係比較岩第一次去台北既朋友去, 因為交通方便.
我唸你一定會plan去九份, 不過唔知你班機時間.咩時間來回?
知道易plan好多.
anyway, 我建意其中一日整日時間去淡水,
早d去, 去食下野, 行下老街果邊.由食野果度直插上去,
有一條街係賣d 懷舊玩具, 東東等等.....
食下野, 睇下野.呢度可以行半日.有時間的話,
可以再去埋漁人碼頭睇日落, 果度影相好靚,
如果你同女朋友去, 我唸會岩(我唸女仔會喜歡影相吧..),
再唔係既..真係唔夠時間就咁係海邊度睇日落吧.都好靚的~
睇完可以再剷返上去食野, 食完野果度有間小小咩咩世界,
係睇d古怪既事物and 動物(你係街邊檔一排果度就見到),
都可以入去睇下架, hk山頂都有一間, 不過就入場費貴好多,
呢度我冇記錯好似$3x hkd 一個人.
另外 , 其中2日可以去九份, 即係住係九份民宿,
去九份既頭一日, 呢日一早出發, 去左十份先,
十份唔知你有冇聽過, 其實團就唔會去,
因為交通問題, 不過如果自已去, 就應該去下了,
我覺影相一流, 冇論同人影或者影景都唔錯,
係好多人去果度影結婚相取景的.
呢度亦都有聽 講係全台灣最大的瀑布(唔sure),
見我簽名果度張b女相背後就係果個大瀑布,
由十份行入就見到, 另外, 亦都有d古怪石頭,
天然景.都值得一看.中途亦都有幾條吊橋, 亦係影相好地點~
(附上相片一張, 真係好靚架),
最特別係果度如果你由十份返去大華火車station.
係可以行火車路, 真係有火車行果隻架............
好過引...好好玩~~~~重可以行火車洞,
不過去就真係小心, 睇準d時間"火車班次"!!!!!!!!!!!
唔係就..............................(千萬小心小心!!!!!!!)
唔係嚇你架... 重有, 一路行要留意有冇火車係前or後來.
因為我發覺d時間班次未必準.....呢樣野唔係同你講笑 , 自已執山.
如果你一家人去, 有老有少, 就唔好咁行法,
即係唔好由十份行去大華啦, 睇完大瀑布 就打轉頭行返去十份station就好了.
咁就很安全了........
好了, 十份就大至上係咁, 十份呢度要預半日時間至少.
早上7,8點好出發, 乖捷運轉火車的.去到十份到完都4,5,6點了.
到時再去九份, 去到九份住民宿,
記得好一早係hk book定.(想要資料我再比你.),
去到佢地有d會落去瑞芳接你, 上到九份放底行李,
就可以行返去九份(一般民宿好近老街o既)食野...
行下街....食野行下又可以消磨一整晚, 好了.,
食飽飽就係時間行去悲情城市果度樓梯度影下相.
果度有d 地方可以飲飲茶吃個包的,
喜歡既亦都可以入去, 咁樣...就一整夜過去了...
好了..第2日....同民宿講byebye,
可以去野柳. 首先係咪都要去基隆,
因為九份果度有車去可以係直接去基隆的. 係基隆度吃野,
跟住再係基隆度找車去野柳.野柳睇風景及影相一流,
果度出名好多怪石, 大細亦有,
果度既海岸線區一路可以行的,
沿途都可以睇風景~
不過有一樣野要注意, 就係睇你點行,
如果真係九份走果日, 又再係九份又食又買,
或者又係九份果度又再影下日頭既風景, (九份果度好多手信可以買...)果度可能浪費左好多時間.就未必夠時間去野柳行咁多. 所以咁既情況下就skip左野柳先, 直接係九份果度玩多一日, (即頭尾2日), 九份果度係好多景點的, 有d都要行一段路, 所以第2日玩完就可以返台北先.再搵多一日再去野柳亦都可以.
咁樣..呢度就頭尾又冇左3日.........其實d時間就係好快過的.
另外, 行書局, 除左誠品, 其實如果去開101既話...
去果度間pageone都一定要去,
好正好正冇得頂頂頂~
好大. 好多唔同種類既書, 我係果度已經逗留左我半日時間.........
鯛書唔見有, 不過有孔雀書.當然一般既養燈水草書亦都有,
不過主力唔好放係呢d, 因為hk都有.
主力在其他不同種類的書種, 好多好多hk都沒有的.
去台灣又點少得魚呢....
你可以參考我台灣之行, 有比較詳細既資料.
另外如果想玩下台灣而家最hit果個魔天輪,
可以同一日去, 因為果度都係國中station有接駁巴去美麗華丫,
可以去完玩魔天輪先再返去睇魚都可以, 不過你要睇時間.
其實以上所提既都去左成4,5日...
重有其他個人選擇既行程, 其實都係睇你去主力想放係咩野,
如果放係食, 就更加大把地方可以去, 如果想放係風景景點既話..
就更加多大路既景點可以去, 中正紀念堂等...影相取景亦都唔錯.
另外要提提既係故官,我唔知你之前有冇去過,
雖則我覺係一個去完可以再去既地方, 好多古文物.but如果去過既,
今次就唔好去了, 原因因為果度裝修緊, 好多野都冇得睇.......
好似聽講重有一段時間裝修, 所以, if去既, 都係留返下次裝修完先好去.
另外又睇睇你浸唔浸溫泉,
岩既, 又隨時都冇左1,2日.
其實要plan既真係好多地方可以plan
最緊要睇你自已主力放係邊度.
您沒有權限檢視這篇文章所附加的檔案。
_________________ 
|
登入
註冊
問答集
