水草情迷

上月買左個魚缸, 12x8x15寸左右, 有燈, 濾水器, 碳, 硝化球等. 缸裡面有大粒石春, 同埋一棵水草. 初時買左3條孔雀魚, 6條紅蓮燈.

紅蓮燈兩個星期就死晒, 個身變白色, 點解會咁?

然後全缸都養孔雀魚. 佢地好易爛尾, 同埋死... 前後已經買過8條孔雀, 死左3條... 全部都係爛尾. 買返黎明明冇爛, 慢慢就會有個開叉或者裂左. 而家缸裡面有一條尾又裂開左. 有咩原因導致爛尾?

另外有一條孔雀呢幾日唔願游水, 又唔多食野, 表面睇落冇野... 我應該點做呢?

我加兩茶匙粗鹽落缸裡面, 呢個份量o岩唔o岩?

同埋買左魚快治藍色既藥水, 滴左6滴, 盒上面說明3日後可重覆使用, 係唔係唔換水既情況下, 可以每3日落6滴藥水一次? (我已經拎開左放係濾水個度既碳)

新缸新魚, 死都唔係好奇怪既事, 亦都好難解釋到. - 水質唔好, 本身有病, 過濾未成熟, 毒素太多..

燒尾都係水質未適應常見既. 水質太酸都會. 水流太大對大尾孔雀魚都唔好.

鹽唔係亂落的, 要知點解要落, 雖然魚店成日都叫人落, 相信佢地都係唔知囉. 正常跟本就唔駛落.

藥都係, 如果唔係細菌感染, 冇必要落.

12吋9條魚,超養.頂多兩對魚好la.
硝化球(係咪一大個通心膠球)可以唔駛用.
一個掛濾夠有突.


原因真係好多,我估係條魚本身狀態唔好,你D水質又可能有問題.一下水肚不服所引致.孔雀魚其實好粗生,好易養.....


Okay 架 la .



D水有無除氯?
每日有無換水?
現階段,我建議你先冶本.攪好D水質先.
呢批魚當買次經驗吧!

_________________

過濾耐o的就會成熟? 濾水入面個塊綿, 要唔要洗乾淨先放落去? 同埋通常幾耐先換一次呢?

燒尾唔關細菌感染事?

係有幾粒通心既球. 其實有咩用?



當條魚燒尾時, 當身體狀態好返, 燒左既地方會唔會生返出黎, 條尾變返完整?



o的水無氯. 要每日換水?
我兩星期換一次左右, 會唔會換得太少?
水質方面, 缸裡既水一向都透明, 好清, 不過見到o的微粒飛飛下, 會唔會係過濾錦既碎黎架?

要來養"硝化細箘",Search下舊文了解下.


要睇咩原因燒尾,同燒到乜野程度.通常我見燒尾都掉...唔醫.


水喉水係有氯氣,如果你無除氯氣就直椄加入去既話......



我每日換1/5左右,一星期換一次大水,即OVER 50%水.當然用既係養水.


缸裡既水一向都透明, 好清,只係清澈度,對魚來說是無意義的.
水質係指 Amonnia 等有害物質既含量多少,這些我地都是看不到.
Search下舊文了解下"硝化細箘"你就會了解下!

_________________

可以係寄生蟲架!又可能Ph 架!

_________________

燒尾通常醫唔好? 我見到水族店好多好多孔雀都係燒尾, 有o的好嚴重添...



我唔係用水喉水, 係用山水, 係山上面有個隆流o的水出黎, 好多人每日上去裝水煲黎飲, 好多人就咁飲添... 用呢o的水養魚有冇問題?

你唔好學人去飲呀,有事都唔知點醫你,乜野箘都有,我以前做野個度有個八婆都係去飲山水,同你的魚缸一樣,見到清就以為好,裡面有乜都唔知,我知有狗係山上,佢疴屎疴屎係近,滲左入去,你地咪飲得好好味囉,我覺得你係新缸未掂出現的情況,從頭做起,洗乾淨個缸,放缸新水,用除氯的藥,不過你放一晩都走哂,濾水器放生物環,唔好用個d球,,炭唔好用咁多日,慢慢加魚最多4至6條好啦,要係魚仔,紅蓮燈的白色冇得醫,仲會傳染,我以前d成日有,但而家攪掂左d水,試過有一條有,但冇傳染開去,仲有,人地飲山水有煲過,你d魚冇,有很多箘,用返水喉水,多一事不如少一事

環是用回水候水加除氯較好吧!

建議你先幫個魚缸消毒.再用水喉水從新養.

_________________

{燒尾通常醫唔好? 我見到水族店好多好多孔雀都係燒尾, 有o的好嚴重添... }

你買孔雀時,見到佢燒尾,條尾摺埋唔伸開,個身好似好大力擺動都唔多去水咁,就唔好買啦

如果加除氯的藥, 就唔駛將o的水放一晚?
今日魚舖老細介紹左我買一隻硝化細菌滴落魚缸度, o的細菌好臭...

係咁架,你買時最好問清楚,有d附加有清水作用,有d只係硝化細箘