水草情迷

7日前買佐4條接吻魚,3條黑魔及兩條清道伕~但只用一個大膠魚箱... 而且我只用氧氣珠...感覺上佢地好唔夠氧氣...所以前日就買佐棵草球.... 當正想放落去既時候就發覺多佐好多條魚仔(相信係黑魔既BB)... 因為曾經聽人講大魚會把BB食佐..所以我就用佐個杯仔分開佐佢地共有8條... 而我就係杯到加佐少量氧氣珠...但我好怕佢地會唔夠氧氣死... 所以我決定BUY魚缸比佢地...但有唔明既地方....

1) 基本魚缸需要咩野配件??
2) 我見有些魚缸上面有棉花及炭...咁係有咩用嫁?
3)BB魚要點處理?(佢地係唔係真係會食佢地嫁)(原有12條...得番8條生存>.<)?
4) 其實接吻魚點分男女嫁???
5) 而且幾條接吻魚..好似冇食野咁...咁點好呀??
6) 現在已經買佐個17"x7.5"既缸...咁要點把魚放落去呀??
7) 聽過好似話要用開缸魚...有咩用呀???

唔好意思呀一次問咁多野....@~@
但希望可以續一為我解開啦....謝謝!!

先說 "氧氣珠" 係廢既, 冇作用.

1. 魚缸, 水, 濾水器, 氣泵+氣石
2. 就係濾水器用黎過濾既物料
3. 用個小型生缸浮係缸面
4. 2 條會 "kiss" 即係打交既, 多數係公. 不過.. 分黎做乜啦, 你估真係會相親相愛咩..
5. 你唔比野佢食, 咪冇野食囉, 餵紅虫or 小粒既乾糧囉.
6. 裝滿水, 打氣一日一夜, 當新買魚咁將舊魚放入魚缸,
7. 你個幾條已經係開缸魚啦, 仲想買呀, 超養嚕.
去其他區睇下置頂文先啦.

5)我有比野佢地食呀...乾糧黎嫁...但次次只有黑摩利食曬...接吻魚又唔食...唔知點好....
6)咁如果日後我想養水草....咁可以點做呀???係唔係可以養佐魚一排...日後才種水草落去嫁??

5) 未適應或唔適應囉~ , 好鬼慘d魚... 過一兩日睇下點, 照餵黑摩利先....
6) 唔好想草缸先, 你連e d 魚都未養好, 養好e d 魚先再諗

要轉缸就快些吧, 相信佢地依家生活係籠屋一樣, 冇氧氣, 唔夠位, 想健康都難.

氧氣珠冇用ga~~
至少都買個濾水器啦

_________________
就係鯛ｂｂ，佢令你笑，又令你煩
我明知故犯，中意作反，唔講道理，唔洗比面你
你可以嬲我，話我，哄我
總之要將你既注意力比曬我
因為我有好多好多需要，去成長，去長大