水草情迷

因本人的金清道夫謀殺了多條魚魚, 故把牠隔離到水飯房, 以下有些問題想請教大家:

1.水飯房是一個在魚街買的$15塑膠魚缸, 放了四分三水, 和數顆貝殼,
會唔會唔夠氧氣俾佢? 因為我見佢凸

佢地點樣殺害你d魚??? 你見佢地食你d魚??? 如果係你就誤會佢地!!! 佢地只會食死魚!!! 我養咁耐都冇事!!!

jackyft 你有所不知, 請你搜尋番我上次的問題: 清道夫有破壞冇建設
其中一位網友dunn都有類似的情況出現, 我開頭都以為我多疑, 連我阿哥都係咁話我, 不過當我最近買咗成30條紅滿, 到死剩一條後, 我已經開始懷疑係清道夫所為, 但係我當時又想, 會唔會係d魚差先係咁(因為係袋裝魚), 但我最近係發記買咗d燈魚, 成$6條, 買咗十幾條, 第二朝我阿哥同我講死咗2條, 重話係清道夫整死嘅, 我問佢點整死, 佢話清道夫用條尾去拂佢, 其實我之前都已經見過佢咁做, 重之d魚群係邊, 佢就突然衝過去, 我開頭都以為係嚇佢地, 後來我阿哥拎咗條金清道夫出嚟, 話唔俾再放落去, 我開頭都有質疑過, 有咩証據係條清道夫整死d魚, 但我阿哥話睇下呢幾日重有冇魚死就知道誰是兇手, 點知過咗呢幾日真係一條都冇死到, 之前真係日日都死幾條, 你話喇, 唔係佢重係邊個......不過邊個都好, 我依家只係想有好心人為小女子解答問題, 謝謝

水草
金清道夫殺魚事件，我只好為你的金清道夫講[冤枉啊！大老爺]。相信真是它的不幸 因它是一種較頑皮的工作魚[其實是有地域性]。它的主要工作就是吃死魚，食藻反而相比其它食藻魚弱，但殺魚真是不太容易。
反而想請問你是否新開缸，魚缸是否較細。如是新缸新手魚缸細加袋裝魚死魚是難免。之後水質較穩定死魚便减小了[燈魚如在鹼性水中或水質不好，是好易死的]。希望你同哥哥不要錯怪工作魚啊 如果你真是不養它 我~~~~~都可以收留它的 都是吾好啦 你可送給其他魚友

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

1. 浮頭是缺氧啦, 一係加氣泵, 一係放返去大缸吧, 不要用貝殼鋪底了.
2. 我個4呎缸都係養一條就夠了, 係幾活躍o架, 買金青苔會靚o的.
3. 乜都唔駛.

其實青苔鼠真的不會殺魚咁惡呀, 不過我都好想知道你的缸只有一呎, 養唔到咁多魚喎. 而且是用什麼設備, 開了缸多久呢.

_________________
多多交流, 多多研究, 多多搜尋
我的水族相簿

湯米, 我唔係唔養佢, 只不過分開佢養唧, 咁究竟有冇人可以解答到我問題呢?

首先唔該晒SuperCTW
你所指嘅青苔鼠係咪金青道夫?其實佢係咪兇手,我都係懷疑緊, 但係我阿哥唔俾我放番落缸 , 其實我果個係套缸, 開咗缸都半年, 因為我懶, 所以冇DIY任何嘢 , 其實我最鍾意就係條金清道夫, 所以我都好難過 , 等我快d放番佢落缸先, 我唔理我阿哥喇
最後多謝大家的寶貴意見, 謝謝

水草
我都有這個情況，魚缸養了三十多條紅蓮燈魚及六條金青道夫。初時天下太平過了約一星期後，每天都有魚死去。我把全部青道夫隔離後，魚一條都冇死。

水草
My 金青道夫 bite the plant leaves, but didn't see him kill fish.
So i isolated him too. But then he jumped out and die .

sometimes it will chase the fish and bite, but never kill any fish in my take wor. I guess they wanna play play and 霸地盆 only jer.

真的多謝大家和我分享寶貴的經驗
我已經將條金清道夫放番落缸, 唔知係咪之前嚇親佢, 佢好似發咗癲咁周圍游, 將我d水草全部連根拔起, 不過唔緊要啦, 只要佢以後乖乖地, 就唔洗再入水飯房

我以前個缸都有1條金青清道夫 (16吋缸).
佢好惡, 所有其他的工作魚(小靈精, 飛狐, 普通清道夫, 甚至其他金清道夫)都比佢蝦...直至死亡.
所以佢跳水死後我決定以後只養小靈精, 因為只有小靈精冇地域性, 適合細缸養.