水草情迷

小弟個缸養開米奇滿, 用底砂過濾的.
小弟近日在泳池拿了套驗水器回家用下, 發現缸水係鹼的ph8.0, 都預左家喇, 但係呢家想轉養鯛, 呢家我可以換水之外仲有咩可以做呢?
我唔想用藥呢? 唔通加酸醋?

小弟呢家用筒濾, 有生物環, 會唔會又令水變鹼呢?

又問同樣o既問題, 以前咪答過你lor! 麻煩你翻查o下以前o既post啦。

用ada泥唔駛點攪ph啦, 濾桶同生物環點會令水變鹼呀? 用泥代替砂就得ga la, 唔好諗到太複雜。

酸醋梗係需要落喇, ....................食麵o個時。

Ben,

You tell me that you want to use ADA soil. so the water will become acidic about 4.5~5.5, this is ok gar la! no need to buy other up PH liquid. Also if you want to use sand, you can buy some "acidic soil ball" instead of using ada soil (or both use).

if you want , i borrow my black water liquid to you, you go to my home and get it.

真係落ada泥就得?
仲諗住要令水變番酸先再鋪泥添, 咁樣...............我係咪最好換晒o的水佢先呢???

of course

換泥要大反缸ga la, 以前o既水同砂都唔好要, 簡單來說, 只保留個裸缸。

步驟:

將d舊砂同水倒o左佢, 用清水將個缸清乾淨, 落泥及基肥(如果你需要o既話, 唔落亦冇所謂), 放一個碟或月餅蓋在泥面, 然後慢慢加水, 避免d水直接倒落泥到, 唔係會好濁。加滿水後, 將清洗好的生物環放進濾桶, 接駁好後, 著燈及濾桶, 然後等養水, 約一至兩星期, d水應該清哂, 最後才落魚。養水期間你可以插d草及放d石或者沉木, 但最好唔好咁快落魚。養水後先買d平價魚試o下水質, 如果魚冇事才慢慢加入其牠魚。

希望以上幫到你, 但仍建議你searh o下以前o既舊文, 我都係咁樣學番o黎, 魚友的血汗及經驗非常有用ga。

明白, 但本人呢家已經反左缸了, only保留住o的草同水, 筒濾都換埋, 都落左菌, 諗住有舊水係度養菌會快些. 如果呢家全部換晒o的水, 鋪泥, o的菌會唔會走晒呢? 因為屋企無地方'牛'水, 又無買清水劑, 大多數會新鮮水連chlrine都加埋落缸, 咁可能就會殺晒我o的菌............

冇問題啦, d菌會再生翻, 況且舊水d菌都唔會多, 大部份係濾材同砂面度。新開缸氯氣問題不大, 因為佢會揮發走, 新水濟亦可以不加。我開缸都係用水喉水jar, 你d水咁鹼保留咪仲麻煩。

仲有呀, 有水係缸度點落泥呀, 到時濁到阿乜都唔認得, 重新o黎過啦。

一言驚醒夢中人

聽君一席話, 勝讀十年書

仲有咩名句呢? 總之多謝指教頂喇.

希望你set好個缸, 享受養鯛樂啦, 到時生到魚仔, 記住小弟喎。

一個星期後可放幾條孔雀落缸.....等d 魚史可比硝化菌更多食物...而令硝化菌繁殖更多更快...不過記得兩三條好啦.....唔好o甘多呀~