水草情迷

如提，開缸養水，兩日，濾水一日，消 毒，都做齊買了五條孔雀魚闖缸兩日無穿無爛，興致漖漖買 新 魚，誰知買了病魚，一日後死近十條，細心看魚屍，原來是水霉病，死剩幾條 ，都灰曬現在人 每曰換3份1水，換了3天，加藍藥消 毒，昨天買了幾條紅班馬，今天回來又死兩條，各位 師兄，給點意見，我想繼續養魚

1. 首先清洗好魚缸;

2. 落新魚時有冇消毒 ?

換水其實冇乜用!D水有冇養過?冇就大鑊!
水有氯氣!菌死魚又死!
用邊款濾水器?用掛濾嘅話放多啲魚棉用來養菌!
對穩定水質好有幫助!
養水可以好簡單!我就用活性碳加氣泵KO氯氣嘅!
我就建議你重新開缸啦!

我嘅開缸方法：
養水:
用上面嘅方法加開大個濾水器
用濾桶嘅話，就唔好放生物環，
先放活性炭吸氯氣，活性碳梗係要洗乾淨先啦
開缸魚:
我會首選樓下街市金魚檔十零蚊一袋灰色魚仔，
貪佢夠平，最重要嘅係，食得多屙得多
一個鐘頭後（除非你個缸好大），
攞起活性碳（濾桶嘅話就改用生物環）
但係要繼續打氣
放開缸魚，記住魚袋D水唔好要!然後餵食
餵食份量，以一分鐘內食完，可以一日數餐
此方法目標係增加消化細菌嘅食物來源，
菌都要食野架!其實係唔想俾錢買菌啫!
呢幾日內，留意魚仔情況，一有事就落D粗鹽
粗鹽依家野，其實可以搞掂好多魚嘅問題!
如果水有白霧，其實都好正常!
因為消化系統未建立好啫!
等冇晒白霧，就可以攞走氣泵，你想養乜嘢魚都得啦!
（當然只限淡水魚啦!）

有一樣野都要提提你!
最緊要慢!加水要慢!對水要慢!
減少各方面既震盪，令魚可以慢慢適應!
以上是個人嘅小小小小小心得不喜勿插!

感謝各位師兄指導