水草情迷

大家好...我係新手.. 請多多指教...
我上個星期買左12'既缸, 加左一個燈同埋掛濾, 一條暖管, 2支佢地話開缸要用既液體
之後又買左一袋紅蓮燈(有20-30條吧), 10條孔雀, 一條金青苔同埋一條老鼠, 有舊沈木, 一扎唔知咩既草...

1, 第二日開始已經有魚死...係D燈先, 日日都1,2條.....係咪我太衝動買得太多魚都會有魚打交??
2, 如果太多....我係唔係要放棄一些魚??大概幾多.....
3, 死左魚我係唔係要大換水/要加鹽會好D??
4, 孔雀點先會大肚??大左肚要點做??係唔係放入生仔箱??
5, 我間唔鐘見到有, 兩條公既孔雀追魚, 有時仲好似喙魚....我係唔係要隔離佢...?

希望各高手幫幫小弟.... 係咁見到D魚死好陰公.....

太多魚了...你計一下你個缸有幾多公升水, 粗略計每公升一條...仲有, 買魚返黎落缸有冇對水? 果兩支"開缸用既液體"係咩黎?
死左魚係咪一定要換水...好難一概而論, 換水都係一個學問, 太多又唔得, 唔換又唔得, 加唔加鹽都要睇情況, 唔係有菌有病加黎都無用...

至於孔雀魚生仔既問題, 你養耐D養熟手少少先再探討, 咁粗暴開缸, 等同要佢地聽天由命無分別...
最衰而家唔覺有孔雀魚專門店, 唔係的話你上去吹多幾次水慢慢學...

呢個討論區應該唔少資源, 多爬文才行動可免生靈塗炭...

以下連結僅供參考, 是小弟多年前集結在網路上爬文得來的集結:
http://blog.yahoo.com/_PKL5SHZTWTRA4LVP ... 4729/index

感謝感謝, 我見佢地既情況係爛尾......
琴晚番到去, 有隻媽媽生左幾條BB就歸天喇....下次唔敢喇.......
我都係聽師兄你講爬多D文好過問魚街D人了.....

孔雀魚出現爛尾，水可能太酸，孔雀魚喜歡生活在弱鹼性的水。剛出世的魚苗要隔離，否則會被成魚吃掉。

太酸嗎?要點先可以升番PH??
看來要買埋PH METER喇.....
孔雀們都歸天了.....D燈冇咩事.....咁D...BB.....我隔離左....用左D掛係缸入面果D....但係唔係都係食普通糧定...豐年蝦??

我會先用豐年蝦幼體，待魚苗稍為長大一些，才轉用磨碎的魚糧。我在魚街買了一枝測試酸鹼的試劑，由於包含加鹼和加酸的溶液，如有需要可利用它來轉變酸鹼度。

要留意不可過量餵飼，否則水質會惡化。要小食多餐。

HERMAN師兄, 感謝, 我會先買PH試劑先, 同埋豐年蝦幼體~
了解, 令願餵少, 食多幾餐都好過有沈底糧~~對嘛?