水草情迷

我有條孔雀魚 早幾日係金魚街買返黎 買返黎已經個肚已經好大下 但就唔知有左幾耐 今日見佢沉左係底 係舊木下邊 之後又有條公係佢身邊陪佢 條母野又唔食咁 沉左係舊木下邊都一段時間 係咪就生得啦? 如果係既我應該點做? 因為我個缸都好多魚下

有圖

就生得，應該係呢個星期
放人生仔箱啦，等佢安心D，佢就會靜靜地生仔
放小小黃粗鹽，我次次都有落小小比佢，轉頭就會生
記得生完要換3分1水，第二日又換3分1水或一半水。
通常條魚娜我會同D魚B分開，但條魚娜會另外搵個生仔箱養一個星期至放返大缸
因為條魚娜好弱，其他魚都會搞佢或(蝦)佢，真係會搞死佢。
我試過就咁放返落大缸，第二日就死。
所以會分開養幾日，等佢休息夠至放。

多謝指點 我今日整左個缸出黎 比佢做生仔缸 因為除左呢條仲有3條都大緊肚

3條？
哦......你死啦
拐帶大肚婆 (講笑)
好多BB........

你買定呢隻BB糧啦，我用呢隻，真係覺得唔錯
A.D.P. No2
食得快，大得快

好既 多謝指點 另外我想問到佢生左出黎之後d bb洗唔洗打氣比佢?

可以，但唔好較到咁大。但如果你係大缸養可以唔使
想問你係咪放係大缸加個生仔缸養？
如果你諗住用生仔缸......可能細左D喎(一般生仔缸我覺得太細，唔夠用)
我覺得最好開多一個細缸，加隻細掛濾就Ok，出面有D膠做既魚缸仔(幾十蚊)唔錯架
求其比支燈仔，用LED燈都得。最好就加D水草(金魚茜係唔錯既選擇)
見凍咪比多支暖管囉(依家夏天就可以唔使既)比支溫度計(細細支幾蚊都有)，水溫22~25就OK架啦
基本上唔太凍或太熱都可以
頭個一兩個星期，掛濾既吸水口要包海棉，唔係就會吸左魚仔入去(我諗你明點解)
到你覺得夠大、吸唔到就可以唔用海棉，但一定要除.....唔係點吸屎(呢點我諗你又會明點解)
另外定時定候，吸下底個D屎啦、糧啦。因為點都會有D係底，始終唔係咁好。
你可以出去買，魚街有D BB魚缸用既吸水器。
但我覺得冇用，我自己DIY，用隻相機既吹塵吱吱改做
大約一個星期就換三份一水，如果大濁就換一半。
得閒就聞下D水有冇味，冇乜味就OK，小小都冇乜問題。
但一臭呢...就實死。
見有魚B死就一定要囉走條屍，你唔好諗住佢地會食返，係唔會既。
魚B身體好弱，唔好亂落野，唔係一定會死架
基本上藥又唔使、鹽又唔使
只係早晚比野佢地食就得，唔使太多，夠食就OK，通常5分鐘能夠食晒就叫做足夠。
過左5分鐘就叫多，太早食完就係唔夠。

基本上開多個細缸，大約百零至二百蚊就搞惦
打到我手軟，唔明你再問啦

唔該哂呀
我唔係用生仔箱呀 我係開多左個缸 有個細小小
落左小小草 有掛濾
而家已經放左大肚婆落去
等緊佢生
真係唔該哂你呀
真係打得好詳細

最新消息
今日一起身佢已經生緊啦!

魚的肚子大，
肛門出現黑色，
有一點白色的東西突出
就快了，
這是胎生魚產前表現，