水草情迷

幾星期前買左幾條金絲燈，初時都會成群燈魚咁游來游去，近一個星期發現其中幾條有劃地盤跡象，張開晒翅趠走地盤附近既魚。當時我仲以為金絲燈係有咁既習性。

到左尋晚發現最肥大個條行到邊俾人打到邊，打打下入左其中一條既地盤，俾佢逼埋去草叢後突然做出類似孔雀魚交配既動作！我個刻先醒覺原來劃地盤既係公，最肥個隻原來唔係肥，而係可能有卵。細心睇過缸入面應該未有卵，於是手忙腳亂將母魚同兩條公魚放埋落一個盤仔，一晚過後好似唔覺佢地有咩發生，於是決定都係放返入缸。

問題：
- 魚卵係咪肉眼可以見到？
- 由於個缸入面ｄ金絲燈好鍾意地毯式搵野食，係咪由佢地響缸產卵一定冇剩？
- 我係咪應該買個生殖容器放響缸入面，捉佢地入去搞野？
- 我見網上面講燈魚繁殖方法五花八門，呢度有冇ching可以分享下成功經驗？

由於事出突然（其實係我後知後覺），由於怕會錯失黃金機會，所以希望有高人可以出手拯救～　謝謝～