水草情迷

本人初次學養水草同孔雀魚幾個月，我有一對孔雀魚生左魚仔，聽人講餵豐年蝦卵俾魚BB食可以令佢地大得快D，的確自從餵左之後生長速度快左，但最近留意到佢地既生長速度再無大進展，希望各位網友為我解答一下呢個問題，俾多D意見本人。

你的魚仔幾大?我自己在魚仔大約一個月大除餵豐年蝦卵外,還會餵太陽牌乾糧及紅虫,還有要多餐數,一日五至七次.魚仔就很快大的.

正確來說,不是餵豐年蝦卵
而是餵豐年蝦幼體(由豐年蝦卵孵出來)
and餵紅虫要小心一些,剪細少少先餵
避免"哽"親
還有一點,缸的大小也會影響它們的size的

我D孔雀BB都有兩個幾月大喇！由於要返工關係依家Keep住一日兩餐，平時放假就餵多D，我都有餵乾糧俾佢地食，市面上都有好多種牌子BB乾糧，我細佬試過一隻一放落水浸得耐，一舊舊留左"係"缸底，整到D水好污濁，名位有無用過邊隻牌子好用，請提供一下資料俾我。

借問聲LeoLam，我有買過急凍豐年蝦，咁豐年蝦幼體係咪都有急凍呢？

有,不過唔多食
其實孔雀唔算揀食
你買些浮水性乾糧都ok
因為它們是上層魚

如果唔買急凍豐年蝦幼體，買生既可能細菌會較多。

唔係ga
我都係自己孵
係用食鹽加水再加蝦卵
是十分乾淨的

ADP
(high protein with Enzyme)
50g

我喂呢隻 bb 乾糧，白色樽身．
都真係大得好快．
幾錢同喺邊度買我就唔知．因為係同事比嘅．　　

孔雀BB喂紅虫大得快d定係干糧?.?
我試過喂d紅虫俾d BB~點知第二日就死左幾條>.<
唔知係咪關d紅虫事呢

可能D虫有菌~@@!
我覺得喂干糧大得慢D@@~
不過喂虫果D就要小心有菌@@!
同埋~記得勤換水~!

o下..d虫有菌...咁即係要我喂番干糧@@!
係咪如果多d換水就會好d ga?.?~
因為呢..我個缸度係有好多唔同種類ge BB ga..
如果成日換水會唔會有事?.?

~shirley~
你d bb幾大ar??如果剛剛出世..就比干糧or豐年蝦幼體..因為bb太細小了..
如果有差不多一個月多d...你可以用雪蟲餵(最好撰d細條d)~~
我11月11生左...51條孔雀bb..死左3條..(有一條係我唔覺意整死左ga=,=)....到e家...d bb尾部都開始出色lo~我e家比緊豐年蝦幼體..干糧..雪虫...佢地食~^^

我果d孔雀BB 2個星期大ja~
我依家係把1條紅虫分成4,5件度~之後喂d bb食~
佢地有冇"哽"親 我都唔知@@!~
我都想用豐年蝦幼體喂ga~不過老豆話喂干糧咪得lor~
你估你開魚店咩~攪咁多野=.=""~
所以我依家只可以喂干糧/紅虫ja/.\

餵虫一定大得最快, 如果你想"谷"d細魚, 可以去藥房買支針劑維他命B,用針筒打入魚缸, 包佢地快高長大. 當然, 如果想cheap cheap養小魚, 可以學我咁放個缸係太陽下生藻比魚食, 連買糧都慳返.