水草情迷

十八寸缸...
有六條新燈...兩條飛狐...
很光...只有矮草(佈滿)...
養了半年...
用azoo糧...
(唔似有白點!!!)

各魚魚高手...請教路...

你是否在舊發記買 ?
我上年在舊發記買了十條細新燈, 現在餘下七條 (三條仙遊), 用 Tetra Min 片裝糧 (啡色蓋, 卡x買), 魚在草缸, 現在很紅很大條呢.

不要只是靠一兩隻糧, 其實最好就是生口糧及乾糧混合使用, 有時喂下急凍紅蟲, 生水滋, 有時可以喂下增色及蔬菜片糧及顆粒糧, 魚兒充分吸收各種營養, 顏色自然會靚, 當然, 不可過度喂食, 以免令水質惡化.

甘未好煩?
以前係新手試過蔬菜片糧...
結果...唔食...
生糧又唔得閒買(三日就死)...
冰糧一格又太多(得六條燈)...超煩...

草正...
魚唔靚...都無用...

我會將冰糧剪開幾份
分幾次餵

我覺得係魚種

其實亦不煩，冰蟲可先用較密的魚網放在水中解凍，按所需攝取量，用小鉗投餵水中，其餘的，可用保鮮紙再放入冰箱，下次再拿出來用。

生水滋方面，餵之前用清水過淨，直接投放，如果用不完，可用一個密度高的網格起，用清水沖乾淨後放在保鮮袋內，再放入冰箱，下次亦可再用。

其實基本上魚很少會揀飲擇食，你投放蔬菜糧時，可能魚兒在水裡狀態不好或未穩定，所以它們不會進食。其實蔬菜糧都好重要，因為魚亦要攝取高纖維食物，就好似人咁咋嗎，只食肉類會令脂肪過多，身體都會變型啦!