水草情迷

我是新手...
我想問七彩神仙及花羅漢..
那一種會易養...那一種會貴D..
及那一種會易繁殖D ..
謝謝

花羅漢會易好多,好粗生,但冬天要有暖管,水溫要在28左右,繁殖就真係好難比較,二者都難,花羅漢好難同另一條一齊生活,公同公一定打到死咁,公同乸都未必一定配對到,唔岩key一樣打餐死,不過佢勝在易養,我第一次養左一條細,好食得,好快大,乜都食,係驚佢初時會跳缸,我個條都入缸冇耐跳左出來,好彩入去睇下,執返冇事,七彩食糧都幾頭痛,有時一缸有6,7條,可能得4,5條肯食糧,有時又會有一,二條細膽d,會比其它魚趕,想食野都唔敢,花羅漢有時會帶被你好運,呢度有位小孩蚊蚊都話佢朋友買左一條羅漢,連加三次人工,信不信由你,好似有d迷信,我就係魚街見到條突然好鍾意佢,買左回家,第二日就搵到份自己鍾意的工,係咪好岩岩線呢

謝謝...
細條的花羅漢幾多錢左右...我行魚街..見D細羅漢都要5-600..

~3cm size, 見過魚街賣$100 幾條.

_________________
友朋知所剔，何患少交遊。

細條的花羅漢幾多錢左右...我行魚街..見D細羅漢都要5-600..[/quote]


我個條好cheap,18元,都唔方有頭,不過個時好合眼緣,咪買左佢,之後先搵缸養,初時冇打算買,我係官塘一間新魚店見到,泰國金馬留最貴,三吋左右成千元,有d平d,三吋左右要480元,不過都己經有頭囉,個店員話:細條己經有頭,買的人會放心d,唔驚養極都冇頭,,而且羅漢粗生,好易養,貴都有人放心買,唔會咁易一買返去就死,你初養的話咪睇下d有頭的細魚,平平地買條返去玩下,一缸一條,唔係打到死,公乸都要配對到先冇事,否則一樣打鑊金