水草情迷

自從兩個星期前其中一條 Moon 生左七條健康魚仔之後,到昨晚另一條 Moon 又生左成廿條...但好不幸, 眼白白咁睇住有幾條魚毛出世冇耐後俾條母魚生吞! 現在有兩個問題, 請各位賜教~

Q1. 現在個 Breeding box 入面有兩種唔同size0既魚毛(我只有一個,冇後備缸), 兩個星期大0既魚仔居然足足大過剛出世0既魚毛三倍咁多!!!! 問題係餵魚時 d 大魚毛唔使幾秒就已經食晒所有食物, 細魚毛唔夠佢地快食唔到野...請問有什麼方法可以解決?

Q2. 條母魚昨晚雖然生左廿條魚仔,不過見佢生0個時好似好辛苦咁,要用力"咇"d魚仔出黎, 而且覺得未完全生晒因佢個肚仲有一堆黑色0係入面~ 後來發現佢既"pat pat"紅紅地好似發炎咁,跟住就冇再生...想請問一下點解會發生"中斷性生產"? 佢係咪會在短期內再生過?

Thankyou very much~(^^)

Q1.分開養, 或放多一些食物.

Q2.我的孔雀, 有時會生完, 隔一陣才再生.

Q1:
分魚仔可以按SIZE分類,小弟係用兩個好似人地養展鬥的, 小型透明玻璃樽養住一樽一樽的, 內裡有:幾粒氧氣珠(要定時替換或添加)+少量泥+一小束莫絲, 一個星期用魚缸舊水同佢地換一次水, 每次都換一半, 等到D魚仔大到約2CM或夠大時, 放回大缸內,現時條條都生生猛猛地生活!
Q2:
這類魚同孔雀/波子魚一樣, 生夠了是會把BB留幾小時或幾日再生過的,所以不用擔心!

我都有想過將佢地分 size, 覺得利用氧氣珠這個方法幾好, 方便又安全~ (好聰明喎!) 但好可惜現在 Sydney 係冬天, 冇暖管d水會好凍, d 魚毛一定會凍死...所以暫時唔多適合用樽仔分隔~ 現在唯一辦法係餵密些, 份量少...雖然大魚毛一定會食到,但總好過 d 細0既冇得食~

我初時以為條母魚難產,後來見到佢冇事才放心~希望d魚仔早日出世啦!^^