水草情迷

最近幾天缸中新燈相繼死亡, 症狀主要是魚肚較前部份變白色. 發病數小時即死. 唯一的孔雀今天發現一只魚眼變白, 嘴部有爛及血紅, 請問是什麼病? 應該用什麼辦法治理? TDC可以嗎? 小弟的是14"缸, 沙底, 掛濾, ph8, 沒有暖管. 草有鹿角鐵, 水榕及moss. 生物有5新燈, 1孔雀, 10數孔雀BB, 2白鼠, 2小精靈及6櫻桃蝦.

薰菌... 你個缸超養啦, 個缸又細, 一旦水質轉壞, D魚會傳染得好快....

噢...我冇第二個缸, 點攪...

換個勁D o既filter有冇幫助? 洗唔洗落藥或鹽?

咩病答你唔到, 因為我無養魚太耐, 唔識

但係..你要咁多魚...掛濾放濾材唔多, 建議用個大d既桶...
重有ph太高,keep返去7會好d
試下打co2或用草泥丸吧
又議用前者, 因為草泥丸會令水變黃

其實我都唔想咁多, 之前只有2條孔雀, 但係有隻生左, 爆左十幾條, BB其實都係2個星期大倒, 仲係好細好細條, 遲D大少少我會開多個缸比佢佢.

如果唔計BB, 20條以下, 個缸有20L, 其實係咪應該冇超養? 不過以防萬一, 我都係諗住買個好D o既filter, eden 501夠唔夠呢?

多謝指教!!

EDEN 501放得太少濾材啦
如果有位買個珍寶果d好過...放得多d啦..
桶買平既唔緊要, 但係濾材一定要靚...
靚桶個泵溫度比較低, 流量大d, 揚程勁d; 相對大陸桶個泵較熱(但係我用兩個珍寶都無乜野), 揚程低(只要買大一至兩級就無問題)
而濾材唔靚就屎得人多...養菌少, 魚好易屎..

另外, 無論咩季節都要開暖管, 屋企開關冷氣, 開/關窗令水溫有變動, 令魚好易病
所以一定要買暖管

重有ph唔可以急降架...
一日降1ph會好易死
同埋沈木都可以降ph, 但係無咁明顯

首先多謝曬指教先! 小弟獲益良多. 暖管已經整左支, 以防哩兩日突然轉涼. 我依家想攪左過濾先. pekingman兄提到濾材一定要靚.... 想請問例如生物環咁有冇話有咩牌子特別好? 濾棉又有咩要 注意? 落水前要有咩準備? 真係唔該曬先, 好想救番個缸.

濾材主要係睇表面面積
個人喜好鐘意用日本power house (ph)
有好多人鐘意用台灣ma

濾棉無研究對唔住

落水前用水沖洗下就ok

活性炭用熱水淋一淋就可以放入魚缸用

多謝指教. 我最後買左個2213.
雖然20L水用2213好似誇左D, 但D人都話個濾overkill係冇死. 而且我搵左以前有2211賣o既樓上店都已經冇賣2211, 反而2213賣$549, 仲平過升X 2211 ($560)...

由於打風, 我自己做多一倍holes, 依家水流感覺岩岩好.

不過我冇另買濾材, 依家用番eheim跟桶果D料, 係咪都okay?

跟桶果D料<-EHEIM生物珠可養菌,但佢送既環不是生物環(養唔到菌,只用來分散水流)
我都係在該樓上店買了2213,再買了 1L MA S-size 環,取代原裝跟來既物理環!