水草情迷

之前原來剩返一條bb未比大魚食晒, 撈起左, 買左個AA$10蚊個, 放係魚缸裡面隔開bb魚個o的兜, 又買左o的莫絲, 但係放落bb兜兩日就死左喇... 朝早仲好活潑咁食野, 夜晚放工返到去就死左, 點解會咁架?

上一次生左的bb又係好快死晒... bb係唔係好難養得大架?

我想買豐年蝦卵, 或者幼蟲, 係元朗問左幾間都冇. 大家知唔知屯門, 屯朗邊度有得賣?

係元朗其中一間問有冇豐年蝦卵時, 仲比個老細少少惡咁話:"冇呀, 冇呀!" 我問除左bb糧仲有冇其他野比bb食, 佢就更悔氣咁話:"都話冇囉! 無呀!無呀!無呀!"

仲有, 就係又有一條大孔雀魚死左, 佢之前怕光, 有時會自己一個係埋一邊休息, 持續左兩個星期架喇... 有可能係咩事呢?

我見到小胡子啜個條死左既孔雀魚, 有點可怕...

孔雀bb唔難喎,我都係用返平時餵魚的魚糧,多一事不如少一事

出面有魚糧粉比bb食的.

我家的bb都食.

我覺得應該bb同大魚分開會好d.

我而家用的以經很幼,我玩咸水魚時d新魚落缸唔開口,見到佢都要食少少

我係用返普通孔雀魚糧, 壓到好幼好碎比BB食. 我冇諗住長期繁殖, 所以冇買BB糧. 我得一條魚媽媽, 如果將來有一日魚媽媽死左後, 我諗我以後唔會買母魚架喇 (聽說母魚生幾次BB就會死)... 但每次生左BB, 我都好希望將每一條BB養大, 黎緊一個月後, 魚媽媽又生架喇.

每日餵兩次, 每次魚糧都有剩, o的魚糧浸住咁耐, 會唔會壞左架?

最好就係餵果陣唔好一次過餵咁多~~
等見到佢地食完哂先好再倒多少少落去~~
見佢地個肚開始脹就要收手架喇~~

如果真係唔覺意餵多o左...
見佢地食到咁上下就要搵o野吸走o的糧~~
否則o的糧會發毛影響水質架喇~~

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

你唔駛一日餵二次,一次咪得,你去買少少羅漢茜,好平架,fs5元都有,以前好多年前街市個亞婆推車仔買魚都係叫人生仔就用羅漢茜,魚仔肚餓會喙d草,唔會咁易餓死,根本孔雀bb好易飼養

我從來唔用孔雀糧,尤其係個隻片裝,個樽黃色,d糧攪到d水變色

我下次再有魚BB時, 就用另一個缸仔養, 裡面放羅漢茜 (其實莫絲得唔得呢?), 一日喂一次.

想問下用o的乜野吸細細個缸裡面既污糟野? 我剩係見過用黎吸大魚缸既水既喉管, 如果用大喉吸, o的BB會吸晒上黎.

咁邊隻魚糧好?

莫絲都無問題~~

試下去搵下o的幼身o既硬管...卡奇有...四蚊三尺
cut到咁上下就手o既長度...
然後其中一邊用軟氣喉駁埋佢丫~~
用果陣...同大喉玩法一樣~~
不過吸力細好多~~

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

買個細吸($10) , 得一個口 o個d.

卡奇過兩個間的升x有賣.

幾好用.

污糟野同多o左的糧, 最好日日吸la.

我係早上放糧, 晚上吸便便

卡奇同升X, 係金魚街?

細吸$10, 有冇相睇下呢? 我想係屯門元朗附近睇下有冇先~