水草情迷

各位前輩﹕
今日十分開心，因為我家的黑摩利生了BB，不過因為我仲係初哥一名，所以有好多問題，希望各位前輩能教路。Thanks!!!
我老豆今朝望望下個魚缸，突然見到一條黑色好細小的物體彈出黎，跟住d孔雀魚、波子魚就發癲咁狂追，望真d，原來真係BB魚黎架﹗跟住冇耐又在魚缸的石春縫度見到有一條，嘩﹗不得了﹗我諗條黑摩利尋晚趁黑漆漆時已經生左，否則一早已經俾其他魚食晒，咁暫時我在石春縫搵返十七條BB，現有以下問題想問﹕

(1)我用個繁殖缸放在原來的缸頂，母魚則放在上層，魚仔則放返下層，但佢地成日彈上上層，真係驚佢地俾母魚食左，通常D魚係咪分幾日生﹖所以係咪應該留母魚在上層﹖以防佢仲有魚仔生呢﹖

(2)我見有D魚仔BB個肚有D黃色的東西，SEARCH過以前的POST，知道應該係初生魚仔的營養，但我見有D魚仔就冇架喎，會唔會係先天殘缺，或已經唔係呢一兩日出世呢﹗﹖另外，幾時先開始餵D BB食粉糧呢﹖﹗

(3)胎生魚生產前通常有乜特徵架呢﹖我Search過話會有黑斑，但如果條魚本身係黑色，咁請問仲有冇其他易睇的明顯特徵呢﹗﹖

(4)黑摩利通常(平均)生幾多小魚呢﹖

因為今次冇經驗，所以來不及替魚仔接生，可能有d已經俾其他魚食左，所以希望各前輩可以教下路先，等第日有機會時可以預先替大肚魚做好準備，保存更多魚仔﹗

衷心希望各前輩能教路﹗Thanks!!!

你救出十幾條魚仔其實已好難得，用生仔箱養住先亦可以，但母魚就無謂困佢太久，因為有時佢唔舒服一樣唔會生住。至於點知幾時生，就要再問問其他人了，因為我自己並不太熟卵胎生魚。

咦﹖點解我個post會出左響熱帶魚度的﹖我明明打在繁殖日記架﹗﹖可能click得唔好，唔好意思呀，Super CTW兄﹗

Dear 史卡德,
我都覺得係呀﹗不過我諗應該唔止咁少魚囉﹗因為剛剛又在石春找到一條，不過俾條印度金龍發現左，唔夠佢快，咁就俾佢食左條小魚喇﹗

不過，我而家最想知係幾時開始餵bb糧俾d魚仔食呢﹖係咪等佢肚下面d黃色營養吸晒先餵架﹖

Thanks!..........