水草情迷

我有一個想法，去超市買５公升裝鑛泉水，飲完後
用個５公升膠樽去做diy co2?
唔知行唔行得通?
如果得，咁就有排用，唔駛成日咁快冇氣

你咁做法係容量大咗，糖用多咗，乾依仕用多咗，出氣量多咗，可同時供給多個魚缸使用，但就唔係會時間長咗呀，請你先用腦想吓先，除非你能改良將自動餵食器變成自動定期加糖加乾依仕重好啦。

嘩!!!!你一次過飲哂5公升水......
好(近)呀

我都嘗試緊,而家係由1.25公升樽變成2.25公升,兩公升送0.25既可樂樽
我用舊既1.25公升樽裡面既溶液直接倒落2.25公升樽再加一樽太古糖漿,出氣量無變化...今日第3日

ps,我係用細化柸,樽口纏左水喉用既"士黏"膠布,測試過之後發覺呢隻膠布好岩diy co2樽口用...鈕返開個蓋都好容易...完全唔漏氣.....五金賣幾蚊一卷

你地仲可以係條管度加一個控制器,張條管收細,控制出氣量,亦可保持樽內氣壓 ^.^
經驗分享,高手請指教

在相同的糖份中，ＣＯ２嘅出氣量係同依士的份量成正比，多Ｄ依士，發酵反應多Ｄ就自然出多Ｄ氣．如果在大樽祗加多Ｄ糖水而唔加多依士嘅份量，理論上糖嘅補給多咗，自然出氣嘅時間長咗，但在大樽當糖份同水都多咗，Ｄ依士係會發酵得快好多，因為唔使爭Ｄ糖份．記著依士係有生命架，魚在大缸都大得快Ｄ啦．Ｄ依士係會以幾何級數咁倍增，同時出氣量就會一路加大直至Ｄ依士嘅分裂同死亡平衡或Ｄ糖份用完為止，而且用大樽要儲存足夠嘅壓力都長Ｄ架．
所以綜合以上的幾點，我唔會見意用大樽，如果唔加依士的情況下，雖然出氣時間長咗，但待出氣嘅時間也會拖長，最大問題係當Ｄ依士最旺盛的時候，可能出氣量大增而令到供氣量失平衡．如果同時加依士同糖，其實就等如同時用幾樽，祗會加大出氣量而唔會加長出氣嘅時間，以上祗係我嘅意見，有錯請指教．

mftin兄寸左D喎

但sec_master兄嘅文章
令我諗起十幾廿年前小學教育電視有一集嘅問題

問:如果炸一隻雞亦要用兩分鐘,噤炸十隻雞亦要用幾分鐘呢?
答:都係兩分鐘!!

_________________

青頭 兄：
我唔係吋啲草友呀，只不過我平時講嘢都係比較直接，唔係想吋各位兄台，多多得罪，見諒，見諒。

測試報告...今日第5日....出氣量依然冇變

我相信這個方法是可行的!!
但要留意, yeast 的份量要維持不變
最好用製作大菜榚的方法將糖水凝固, 以減低過度的反應

此外, 請某些網友不要自曝其短

贊成~~
識就識唔識就問....冇錯既.

我係新學養水草
係這個forum學到好多野,
因為我對養水草的經驗不夠所以先題出發問

其實我有search過d舊文但都冇講到容器大小對於
co2 出氣時間長短是沒有關係.

我只想問下行唔行得通, 古唔到得到這結果,
真的有小小失望

無論如何我會繼續努力學習

pigheadyin兄，你個見意可行，不過要留意Ｄ糖水嘅稀”傑”，雖然我已經轉用氣樽，但之前我都試過加魚膠粉落糖水，但太”傑”而令依士發酵效率唔好．而且由我用1.25L樽轉過2L嘅經驗發現有時大樽出氣時間嘅長度反而唔及細樽穩定，有時我覺得Ｄ糖份明明未用完就無氣出，起碼出氣時間同個樽嘅比例唔係正比，2L樽最短個次得個半月，但1.25L樽平均都有咁嘅時間．我想過好多因素，也問過好多高手，得到過十個可能，而我覺得最有可能的其中一個理由係Ｄ依士發酵不良，即成長率比死亡率低．而引至佢地死亡嘅一個主要原因最大可能係酒精，而酒精的含量在大樽的確又比細樽多，不過當然可能係其他因素影響啦．

我個人絕對讚成各位用平靜嘅心去討論唔係爭論或揶揄，唔係個個人都講得笑加嗎，嘻嘻我例外．其實你地有無留意到有好多高手已經少咗發言，因為免相和氣嗎．聽多Ｄ意見就會快Ｄ掌握架啦． 　

小弟愚見:
1) 照道理, 酒精的確多左, 但同時大樽用gei水都多左, 所以酒精的含量(%)應該可以維持到同細樽一樣.
2) 魚膠粉好似係蛋白質, yeast應不能與之反應, 我聽人講係用生粉黎整大菜榚, 因為生粉有好高既澱粉質, 好似係糖類o既一種.....遲D等我問下D Bio friend 先.......
3) 照道理, 應該可認長期供氣.......因為lay 個情況同用細樽, 減少yeast