水草情迷

小弟初次diy co2，由於家中地方細，所以選擇用800ml ge 樽黎做co2，用氣喉駁金屬開關再駁防逆流，然後駁入缸裡面個用竹筷子做ge細化器。由於怕個樽細左，我將d份量改左一改，用1/6樽糖加3/4樽水，再落1/2茶匙乾依士粉，等左一日，結果好似冇乜反應，得果一兩粒泡，究竟係唔係我d份量有問題，定係我做錯左d乜呢？煩請各位高手俾d意見小弟啦，謝謝！

細樽個比例都係唔使改架，不過以你的份量可能又好似稀咗Ｄ，你應改個份量唔好改個比例．不過我懷疑你可能漏氣或唔夠壓力．你有無在所有駁口用肥皂泡測試啞．其實ＤＩＹ都唔需要加開關同防逆流啦，用氣樽就話驚Ｄ魚缸水倒流入樽，而ＤＩＹ驚Ｄ糖水流入缸多過倒流入樽．你試下按下個樽，如果個樽好實就証明樽內有足夠的ＣＯ２反應，咁唔夠氣出好太可能就係漏氣啦．不過近排天氣冷都有關架，Ｄ依士發酵慢咪少氣羅，如果無漏氣，看多幾日再算啦．　

咁請問我係唔係要加番多d yeast 呢！

我覺得你糖唔夠就真，通常起碼都１／４糖架，Ｄ依士在配合的情況下就會不斷發酵同生長，當Ｄ糖份用完，佢地發酵就會停止甚至死亡，而糖水就會變成酒，如果再有其他因素配合，就會再起變化而變成醋架．所以依士少Ｄ都係會引至佢發酵同生長的幾何級數減慢．

多謝指點，等我調較過d份量再試試，希望可以成功啦。

我覺得似係金屬開關個到漏氣, 試下唔用會唔會好d

肯定係個金屬開關漏氣，我試過用，連DIY木筷子細化都出唔到氣，跟住用鼻係個金屬開關嗅吓，居然聞到好香嘅酒味，於是唔用個金屬開關，就出氣出到叭叭聲。

成功左喇！始終都係要改過個份量再拆哂d乜制物器，回到最原始，然後就出泡喇！非常感激各位高手俾我ge意見，多謝哂！