水草情迷

我初頭~將個CO2細化杯，放在遠離掛瀘o既出水口，為着減低CO2流失，但效果一般。 而且CO2泡因為付近冇乜水流關係，所以直線上升，浮出水面。 現在將個CO2細化杯，改放在掛瀘o既出水口之下，希望借水流將CO2帶到全缸，但同時可能，因為接近瀘水器而影響CO2o既溶入水o既程度！ 大家有咩意見，同埋你o地會將CO2細化杯放係边個位置？

最好就放糸有過濾出水流動嘅地方，咁啲CO2先會流到全缸。
我自已就無用細化杯，我用DIY溶化器，及DIY計泡器架，睇唔到泡泡，但就從計泡器度知道CO2有90%溶咗落水度，係利用水流及水壓原理。

瀘水器入水處.....細化杯愈低愈好....
至於CO2流失是必然....除咗用CO2溶解器....

mftin兄:
可否Post你個DIY溶化器及DIY計泡器架.
Thx!!!

我嘅CO2溶解器同計泡器，都係用我老婆唔要嘅唇膏膠筒，可以話係無乜成本，幾乎係唔使錢。
溶化器原理係，將膠筒密口嘅地方開一個小洞，插刀入氣喉，將開口嘅一邊向下，安放到水中雨淋管嘅一邊出水口，利用CO2係水壓力下會溶入水裡嘅原理，同水流動將吸咗CO2嘅水帶動全缸，會見到計泡器每秒出2粒氣泡，但係個溶解器膠筒內永遠保持係 2/3 CO2，1/3 水，咁打入去嘅 CO2 即係溶咗係水裡面，但係就無市面嘅氣化杯、蛇仔管、溶解器咁得意，咁好睇，因為睇唔到啲氣泡，只可以睇到計泡器有 CO2 入咗溶化器。

我都係冇用細化柸...我用氣木,一舊用左7個幾月都未洗換過,有一次為左美觀...我將成舊氣木藏左落去泥底,第二日開左燈一段時間,發覺近氣木既水草出晒泡泡,初時以為係co2痴住左係d葉度,但係我觀察左幾日,co2既軌道冇可能痴到d泡泡落水草,而最主要既係我熄左燈之後有時開下佢黎睇d草係完全冇泡泡,要開左燈一段時間先有(我個缸平時係連6角台都唔出泡架)

但係壞處係舊氣木好快霉,同埋變黑...自個次換過之後,我呢舊氣木用左7個月喇..雖然證實左co2既擴散有明顯既分別,但係成日要換氣木唔划算

我以前都有用細化器，但細化器嘅唔好處係，CO2 泡泡會向上升，帶動溶入咗 CO2 嘅水係個一個位置升向水面，再流開去，係到水面會流失好多 CO2 ，咁就好多時只有細化器附近嘅草先至會出氣，所以你見魚舖好多大形展示缸，都會用溶解器，就周圍啲草都出泡。

我個細化杯放係過濾出水位下面，D泡會比水流帶到全個缸。

我個細化杯放係過濾出水位下面，D泡會比水流帶到全個缸。