水草情迷

紅色個d係新買既...感覺上紅色比較難養...之前死左幾條都係紅色...
呢度多唔多人養七彩架...分享下意見呀

七彩我都好有興趣啊,不過我之前養過幾次都死了,七彩都幾難養,一驚就好內都唔肯食野,養養下又會成條變黑跟住仲死埋添,好似話係生寄生蟲喎,酸鹼要keep係6.8左右,一定要用軟水黎養,好似話落d黑水落去會好d,水質要keep得好穩定,如果唔係會變得好神經質....
我都好想再養啊,不過都係等我缸草種返好之後先啦......係呢,請問張相上面果條係唔係埃及仙黎架?

七彩黑身係因為太耐冇換水,令水變得太酸

七彩其實不如想像中難養...不過就真係要比普通魚特別照顧好多...上面見到既七彩都係好平...13蚊至18蚊...我養左個幾月...所以唔敢買貴既..之前死過三條...依家d都尚算健康...都肯食野...
個d梗唔係埃及仙啦...同埃及仙價錢真係差好遠...係長刺神仙...養左都成兩個月...好健康...個時買3蚊條...依家真係後悔唔買多幾條

你個缸好似魚數量過多些少

七彩養多d好呀,如果得一兩條佢地會好容易受驚唔肯食野....
哈哈...如果鍾意埃及仙既朋友又無錢買咁果隻長刺神仙又真係幾好既選擇喎,雖然差少少,但都幾似樣丫....哈哈哈

係呀...七彩養多d會活潑d...我個缸唔大...所以我覺得依家差唔多...唔可以再加魚啦...至於神仙我餘係會養個種長刺長尾神仙...因為靚d

我的七彩缸,多多指教(多數都係$80-90條)

我覺得要係咁多草既草缸養好七彩唔容易架..睇黎你係高手喎...而且睇上黎你d魚比我個d靚d...但係成90蚊條好似幾貴喎...我個d最貴都係20蚊條...但顏色真係你個d靚d

唔係高手!又七彩又想玩草缸,只係苦苦支撐,不過草缸養好七彩就好容易(水質fit晒)養好d草就好難!如果我個缸(40"about 350l)養4條到就fit,但總係老毛病,見到正就買.........

我都係...一見到...就算屋企有好多都會買...
係啦...你個d七彩有無經常係缸面...或者經常不遊動既情況出現...我有幾條有咁既情況...可能係新買未適應...不過舊個d都鍾意係缸面多

唔會呀,仲好鬼狼一見我就好似狗仔咁走晒出黎,有d仲狼到咀我隻手(真嫁)

你個缸含氧量唔夠呀,打氣or最好加大d過濾系統,同埋最緊要keep ph6.8左右 & kh under 4,如果ph太高 d魚實唔fit!

我個d魚都好搶食...一見到手係缸面就追...不過只係大部份係咁...我已經打氣同過濾...如果ph值太高...點樣keep番低d(我個缸無種草架)

試下在缸邊用格魚器盛載草泥丸