水草情迷

三尺滴漏混養缸(100L水左右)，多草，T5HOx6，ADA黑泥，CO2 跟燈照6-8小時…
一向都相安無事直到昨日做左兩件事，唔知邊度出錯︰

1)昨日加左舊火山石，啲Q版鳳凰一見到就係咁啄得好開心，我以為有微生物佢地鐘意食 (我養開紅水晶，有咩新野入缸，佢地例必先清理一番，所以我以為無事…)。
舊火山石已經先後煲過三次…第一次煲滾，用水喉水沖一沖，再煲滾第二次，唔開蓋焗一晚，因為未用，所以風乾左…之後再煲滾第三次，唔開蓋焗一晚，又風乾… 數日後，因為諗住已經煲左三次，之後又用膠袋密封，所以落缸時無再特別處理，只用水喉水略略沖洗…
相反阿卡西就無乜點理舊石…

2)換左新魚糧，之前用十幾蚊一大枝既魚糧，因為見佢地唔係特別鐘意食，而且食左一排都唔係好出色，所以換左枝 Tetra cichlid mini granules，比起之前用果隻糧，呢隻好搶口，隻隻都食到漲扑扑。

今晚餵完佢地，再餵埋自己之後，就見到有三條Q版鳳凰痾白屎，拖住一條超粗既白屎…隔一陣甩左之後，就見到個肛門血紅色，跟住就慢慢咁爛…其中一條就咁就 有一條就撈左出黎，落左黃藥，加維他命，加溫，打氣…就好似暫時無再惡化，仲有一條痾完之後就藏起來，搵唔到佢…
至於阿卡西就趴晒係地，奄奄一息咁樣…症狀: 魚體變黑，尾鰭背鰭緊縮，無乜食慾，常依偎在缸邊。 最嚴重果條放埋同Q版鳳凰一齊治療，不過佢額角好似有一忽下陷，我唔肯定…其餘的依然係魚缸。

其他種類既魚又好似無咩問題…
幫急救缸落完藥之後，便拿拿淋換左主缸差唔多半缸水，加返啲硝化菌&維他命。終於見到其中一條阿卡西有返啲起色，起碼尾打開返一半！打算明天和後天繼續換1/3水

想問吓佢地係唔係生蟲/食左蟲落肚？定係隻糧唔啱佢地食？
or 其他原因？

阿卡西係唔係可以用 water life MYXAZIN 治療？
Q版鳳凰又可以點？

加左暖管(keep住28度)，落左兩日藥 (water life MYXAZIN)，再換左一次1/3水，Q版鳳凰同阿卡西都繼續有死傷…
除左短鯛科之外，其他魚依然好健康咁游來游去…

想問吓究竟係咩病？會唔會傳染？

http://www.aqugrass.com/phpBB2/viewtopic.php?t=22417
病名: 駝型線蟲
原因: 魚兒本身若在養殖場有餵食活餌，受感染的機會較大，有些帶菌的黑殼蝦也會引起。
症狀: 魚兒肛門露出紅色會動的物體。情況嚴重時會出現食慾不振，以死亡收場。
治療: Levamisole25公升一顆，不能下太重否則魚兒會失去活力，沒精打釆。
治癒機率: ★☆☆☆☆

病名: 魚兒拖便、白便
原因: 體內蟲感染。
症狀: 魚兒游泳時不時拖著細細長長的大便，或是白色糞便。
治療: 體內蟲用藥
治癒機率: ★★★☆☆

病名: 夾尾、縮鰭
原因:
1.過濾系統出現問題
2.一般清底砂、換過濾棉水族箱有大變動時也容易出現夾尾..
3.沈木發霉、藏污納垢
4.新水、新水族箱，硝化系統未建立。
症狀: 魚體變黑，尾鰭背鰭緊縮，但仍有食慾，常依偎在缸邊。
治療:
1.莫斯特2000 or
2.water life MYXAZIN
ps.治療時不要開燈比較好，藥效較好
治癒機率: ★★★★☆
*夾尾會讓人以為魚病的很重，其實夾尾治癒率極高，通常環境恢復或是下藥之後數小時症狀便可改善。


請問有邊位高人可以指點一下小弟啊？

Q版鳳凰已經死左三條 (本來只有5條…)

阿卡西左一條，一條下落不明 (本來只有4條…)
有一條有啲起色，有一條繼續夾尾…

_________________
我的24"陽草水晶蝦缸