水草情迷

靚魚

同意青頭的說法,此魚不似"坊間"認同的泰酋(當然不代表不是泰菲河撈獲的酋長).雖然魚友arcat不介意,但我相信有很多"高手"執著呢!

arcat此魚可挑剔的是臀鰭,反而伊麗莎伯更高質,我可能比較直率,不要介意呵!

感覺靚就係好魚
可為感覺?可為靚?
短鯛最引人入性的地方就是不同品種各有獨特的特徵，而特徵表現差異越大的品種，越能夠吸引玩家。如二線短鯛，品種優良的兩條線分開明顯，品質差的直頭黑色一畫；又如祖露亞，一點同兩點紅可相差成千蚊。
玩得短鯛，大家都係玩血統，玩淳種。如果只要求「感覺靚」，我相信買袋廿蚊孔雀加廿蚊紅蓮燈落魚缸一定靚過一缸一對千元的短鯛吧!
阿貓此post標題出得泰酋，大家就一起討論泰酋吧，就算最後發現我的觀點原來錯的，相信我都會學到野。

chrislaw:「總之睇落去感覺靚就係好魚了... !!! YEAh!」

給人的感覺好像在貓展中，大家正談論一隻波絲貓的血統，突然有人大叫「總之捉到老鼠就係好貓啦!」



p.s.小弟一向心直口快，有怪莫怪

_________________

[quote="地獄"]同意青頭的說法,此魚不似"坊間"認同的泰酋(當然不代表不是泰菲河撈獲的酋長).雖然魚友arcat不介意quote]

多謝地獄兄支持
哈哈，女人心海底針
我覺得阿貓係介意的，只係唔想接受現實吧

_________________

唔緊要吧..我也希望大家比比多D意見吧~
其實我意思係唔MIND 佢係唔係純種我也會好好對佢吧~
大家也不防多多再分析及比意見吧~

_________________

阿貓姐不停係咁放毒,你知唔知咁樣會有好多人毒發身亡架

我係新手來,當然唔識咩血統.淳種,但我都真係覺得條魚幾靚

睇左0甘多人post tefe0的相...發覺一人有一個標準..真係好難搵到一個放諸4海而皆準0既標準...哈哈 小弟係新手...咩都唔識..淨係覺得條魚好鬼靚~~

睇這條魚的尾格，真係冇法說服我這條是泰酋，你可以話我要求高，回想年多前很多網友在這裡討論過泰酋的特徵，和現在所見的，真是差天共地，這條是我一年前買的，這張相也不是第一次貼，黃面、長身、筆直的中線、大背鯺和粗而長的天線，還有大而齊的尾格。這就是一年前大家討論過的泰酋，也是我心目中的泰酋。

青頭
橫睇掂睇都唔係「泰酋」喎??
紅背同D尾格唔係泰酋應有的。
照我睇似泰酋同秘魯酋混種

這樣講會否太舞斷...?
泰酋河幾百公里, 流經的水都一樣?
魚的表現同生長環境息息相關.
ph值. 水中礦物質, 水流, 棲息地, 飼料...等.

紅背?
http://www.rva.jp/apisto/ap_bita_tefe_k2.htm
留心這條魚背都有些少棕色寞非不是泰酋?
你引用的圖片用燈打到白晒當然見唔到棕色啦,
用日光燈, 同白光燈影出的效果的都捷然不同啦.

尾格唔齊就唔係泰酋?
D賣魚老板看完開心到笑, 唔愁冇人買唔靚貨.
秘魯酋、紅翼酋、普塔馬優的尾格完全唔同.
有散過鯛的人都明白, 同是父母所出, 尾格.
天線. 色澤都各有不同. 有何出奇?
怕且冇幾多位仁兄真係去過泰菲河捕捉短鯛唧.

面花, 面黃, 二線明顯,
背鰭幻彩金屬色澤, "野生鯛的表現"
泰菲有的都應有盡有.
arcat姐妳就好有對靚魚散左通知我.
唔知各位高手有何高見?

很多謝大家的意見及研究
其實以前睇過以住大家對泰菲的討論研究
及以住同各前輩, 朋友的討論
一向比我感覺係冇一定的準則, 眾說紛紜, 亦有各人的標準.
睇過台灣某位前輩亦提過話其實泰菲的表現可以包含各式的酋長特徵表現
當然大家的意見我也有得著呢~

_________________

bebo兄果然是短鯛養植經驗豐富

_________________

是否燈光效果所出現的紅對於有攝經驗的人不難分辨。紅背類酋長和非紅背類酋長在表現型態上也有不同。


這點我認同，但被條尾出賣了。


可能我說得不太清楚，相信對酋長品種有經驗的網友才會明白我的意思。紅背類酋長的尾格十條有九條半都尾格齊的，我未見過尾格唔齊的秘魯酋；非紅背類酋長(巴西四酋)啱啱相反，只得很少數尾格齊，所以尾格是此四大酋長的重點之一。



bebo兄出左聲了

_________________

這個問題很早以前已經大肆討論過，和尚仔兄既然再次提出，我又分享一下一個我看過而認為比較有見地的說法。
在歷史及科學角度去看，定義在於最早發現的品種和所在地區。如人類，我們已認定了黃種人來自亞洲，黑人來自非洲，白人來自歐洲...因為都是在各地區最早出現的民族。
但時至今日，我們已可在各地區找到不同人種及混種。如果在大陸找到一個黑鬼，可否稱他為亞洲人呢?
樓上bebo兄說過的泰酋特徵，正是最早發現的泰酋特徵，也成為分辨血統的指標。

_________________

青頭兄，你又唔好睇得我咁高，有一樣野大家都應該要接受的，就是你所講的最早發見的特徵，可能已經唔再存在，唔好講話雜交，酋長近這一兩年被人大量人工繁殖，由野生種到現在的人工種，都唔知已經係第幾代，環境改變有幾大可想而知，我好相信魚的基因都會隨環境而改變，正如人類的祖先猿人已經唔存在一樣。加上酋長的基因係好唔穩定，一胎F1都會有幾個樣，要保留原來個樣你話有幾難。