水草情迷

兩條問題:

1) 隻蝦 27 Oct 06 抱卵, 點解隻蝦生仔生成兩個月都未生 或未生曬 (d 卵數量差唔多)?
同期有另一隻蝦抱卵已經生左完成個月. 唔明.
如果係死卵, 佢地會唔會識 得kick 走 ? 定係要等下次換衫時先得?
現在天氣冷, 好似唔覺 d 蝦換衫.

2) 一晚 3 隻蝦女抱曬卵, 有無可能一隻蝦仔一晚搞曬 3 隻蝦女 ? 但又唔見女蝦換衫, 而個蝦缸只有一隻個體不大的蝦公 (都可以叫成蝦, around 1.3 cm). 其它大約 1cm 大的蝦仔可唔可能有搞野能力, 如果無就真係奇 @_@. 蝦仔會唔會有假抱卵?
最奇就係其中一隻買回來時, 她在賣家的生仔盒中早一日已經換左衫, 有人話蝦女換衫後蝦公要馬上搞佢, 唔係就會 miss 左個機會.
問題在這裡, 她剛剛換衫一天, 無可能第二天又換, 加上我唔覺有, 但點解又被蝦公搞到呢? 定係我個想法唔 arm, 蝦女可能假抱卵而 d 卵未能受精, 但又出左.

謝.

1) 抱卵兩個月, 唔會咁耐既, 應該之前果批已經生左, 再重新抱卵o者~
2) 一隻公一晚攪大三隻女唔奇, 聽過其他師兄話攪六個都得.
你見蝦公仔飛時, 佢地已經有能力攪大女蝦.
要攪大蝦女係要佢地換殼之前已經做左手腳,
所以買返黎只有一隻女係生仔盒, 但還可以抱卵, 係因為一早有蝦公做左野.

蝦女係一定要脫殼後於好短時間內蝦公先可以攪到 所以miss左一次就要等等囉

就係你果兩隻.
你都見佢脫左殼,而又無抱卵, 放進盒仔前無抱卵, 但在盒仔又脫左殼, 盒仔無其它蝦, 點解回去後又抱卵, lee 個現象好怪.

謝謝 "Co2" 解答.

1)咁可能係"死正種", 因為很久個缸都無蝦公, 但另一隻蝦公買回來前隻蝦女已經抱緊.
2)換殼之前 ??? 咩唔係 "換殼" --> "蝦公飛飛下想搞

一般抱卵三星期多幾日會生, 跟往生幾日, 再跟往過兩三日一定又會換殼.
蝦女準備換殼前, 顏色變淡, 蝦公會自動飛搵蝦女, 到蝦女換殼後, 蝦公會冷靜返, 再過幾小時如成工會見到抱卵.

你係講隻丸？

ooh ic, 清楚曬. 養左半年蝦, 今日先知原來係咁.真無知.
多謝cl2fun 指點,
可唔可以咁講: 換殼其實係準備排卵, 所以在換殼之前已經在体內受精, 換殼只是一個動作令蝦身變軟, 令新生的殼體積漲大點能包住 d 卵, rite?
但這樣講好似又有 d 不對, 因為你話 "跟往生幾日, 再跟往過兩三日一定又會換殼", 如果生完佢一定會過幾天換殼, 這 situation 下可能佢無被蝦公搞過, 咁, 母蝦換殼的主因未必係完全因為排卵做準備, 也可看成係成長的一個 step. 跟蝦公一樣.但如果母蝦會收起未用完的精, 又唔同講法. 大自然的野, 母蝦會選一個最合適的時候/環境排卵, 蝦會唔會有這個能力?

其實母蝦會唔會收起蝦公的精, 唔會一次排曬, 而等下次換殼時再用 ? 好似唔知係邊度聽過.
請再指教.
謝謝.

yes.

之前有聽講過母蝦係會有儲精,即被蝦公打完一次後抱卵,下次亦可以不需再打而有機會再抱卵(如是處女蝦沒被公攪就必定不會抱卵)
而你上次的丸子,只有她一隻於生仔兜內,而脫了的殼也留於生仔兜內,所以肯定沒被公打過,而這次再度抱卵,也再引証多一次母蝦係有儲精能力

換殼其實係準備排卵...........
錯因為公都需要換殼.
(蝦仔換殼係成長過程可以咁講 )

母蝦會唔會收起未用完的精.
我知見就算換殼之前有被蝦公攪過,
佢都唔一定會抱卵.

以上答案都係自己望往蝦缸所得出黎既知識.
有錯請其他師兄更正