希望給大家一個教學(小弟若有不足之處請多多提點)
part1首先.............買曬野先
濾筒x4 (p20x2,p10x1,彷e咸x1)
24"缸x1
ada光管x4
白蒼泥(大)x2
(細)x1
白蒼蝦糧x1
怪粉x1
微生物之素x1
CL280水冷X1
SMW,BIO2000,PSB,仲有cheap cheap銷化細菌x1
s-1 x1
蝦網x1
白蒼黃水x1
花籃棉x3
生物環:SERA,Power House(s,m,mono ball),MA(s),E咸波波
太古海泥石,蒙脫石x1kg
講下日常打理
p.H6.2
水溫23度
光照12hr/day
co2每秒1泡
換水2-3日 10-15%(蒸餾水)
每日落:
怪粉x1更
微生物之素x1更
白蒼黃水x2滴
smw bio2000 psb x3-5ml
s-1 x1滴(每月)
太古海泥石,蒙脫石200g(每月)
糧:
白蒼糧,菜肉宴,波菜<---記得餵就餵
要大家等左咁耐真係唔好意思!~part2 start
我會一part一part咁講下理論(用手寫板+九方有排打)首先要大家知道養得活<繁殖到<爆殖<keep白<keep白+繁殖<keep白+爆殖(以難度計)
我要做的假設是我想大家做到keep白+爆殖
選缸方面:
點解我會叫大家用個24"缸呢?點解大d唔得?點解12",14",18"唔要會要個24"
有d人話我個fd幾寸缸都養到,有d人話愈大愈好............
我叫大家用24"缸,原因係配套方面。24"的用品可話所有size之中最齊,無論燈、濾水器、藥物(ada d 補品,乾銷化細菌等)所以24"缸係首選。
不過香港地寸地尺金,可能只可以開個12-13"缸玩下
(細缸養蝦會係小弟的開蝦缸過程vol2作詳細的介紹<不過要等vol1有d fan屎先>)而大缸對新手真係有d難道,set境、放水、換水、set器材真係死俾您看.........不過有缸有個好處就係爆蝦爆得好快
高度方面最好小過22"，因為要就返支燈,太高又要用鹵仔(怕令室、水溫劇升),太矮又怕爆藻(點解要有足夠的燈光,小弟會係光照果part再同大家討論)
闊方面就唔洗咁在意,只要就到自已就ok,不過最好可以將水量控制係大約100L以下,30L以上,方便管理水質
底床方面:
有人話清缸,有人話用沙,有人話用泥。我非常建議大家用泥。因為泥可以穩定pH、KH、GH,提供一個適當的pH,作為厭氧性硝化細菌居所(係n-cycle果part再同大家討論)。沙只可以穩定一個較高的pH,不適合養蝦。清缸就係最差,換水,D蝦生活都會影響水質。
到底要用咩泥??首選白蒼泥,因為專FOR蝦,有最適當pH、KH、GH,仲有俾水草泥有較小的肥,避免爆藻,仲有經小弟試過可以即落蝦(唔好跟我係傻嫁)
次選瑪啡泥,因為有口碑,養草養蝦都ok,不過個樣超肉酸(似波子)
三選ada黑泥,因為平,不過己不及當年勇,用後d水變黃,起碼要等2個月先起到缸,但太低kh
四選ada啡泥,因為平不會令水變黃,但太低pH KH
過濾方面:
首選濾筒,因為方便,易打理,清洗方便。盡可以都用一個......最好有多個一個避免一個筒有問題時令水質急速惡化,令蝦大量死亡。選擇濾筒方面,首選eheim,因為有口碑,有d人用左幾年都無壞過,d膠邊又安全,唔會咁容易漏水,又靜,又低溫又低用電量(24"缸的好選擇有2215,2217)
前者620L/H,可放3.5L濾材,後者1000L/h可放6.6L濾材
其他過濾如頂濾因水的衝力太大,可放濾材太小,所以不太適合
另外有兩種過濾可以作為輔助過濾
1)水妖
好處:不用外加插頭,適合有有限地方採用(如office)
壞處:大量減少缸中的空間,儲菌量有限
2)底濾
好處:有大量的空間儲菌
壞處:阻塞後就會反缸(所以每年返缸一次),無法在泥中儲厭氧性硝化細菌
另一樣非常重要的就係生物環
點解有咁多人會洗咁多錢係生物環??是因為好的生物環可以提供更多空間俾硝化細菌居住,令過濾能力上升,令蝦的生存率上升(因為淡水生存的硝化細菌效能很低,係n-cycle果part再同大家討論)
生物環首選POWER HOUSE mono ball 表面面積860平方米 / 每公升
次選POWER HOUSE s 表面面積820平方米 / 每公升
三選POWER HOUSE m 表面面積520平方米 / 每公升
四選Eheim波波 表面面積450平方米 / 每公升
五選sera環 表面面積250平方米 / 每公升
part2部份
n-cycle:
對蝦缸泥講n-cycle俾所有野都重要............
n-cycle原理係由蝦缸的廢物(蝦屎,食剩的糧等)被硝化細菌硝化成亞摩尼亞(對蝦有害....)
之後被硝化細菌硝化成no2(無亞摩尼亞咁毒,但一樣會令蝦變透)
最後被硝化細菌硝化成no3(蝦最毒,但對魚無毒)
當出現no3時證明缸內n-cycle ok,不過不是每個缸都會爆no3，因為足夠的水草係可以吸no3,所以不要用爆no3來衡量個缸得唔得.................
可以用1-1.5個月來造試水期,用1-2隻蝦試水,d段時間死一隻加一隻,期間日落硝化細菌,不要心急,等!~
換水:
養蝦的人分成兩派,一派勤換水,一派不換水
勤換水好處:經常換水減少缸內有機廢物
壞處:令缸中元素流失,蝦的生長加速令發色較無換水的蝦差
不換水好處:不會令缸中元素流失,蝦的生長減慢令發色較好
壞處:只靠n-cycle加水草吸no3作生太平衡作過濾,容易反缸,不建議新手採用 (本人試過約1xx隻蝦係24"缸3個月不換水,第5個開始死蝦)
換水方法:吸走不多於20%的水,再用虹吸一滴滴滴回缸內(新水要除氯,加鈣 ,對溫)
燈光:
普遍的玩家都係用光管(T8,T5,PL,T5HO)等等當中有很多玩家都選擇興和(kss)的12000k和RVB37但大部份的玩家發覺這些光管對蝦發色和生長沒有明顯的幫助只是人用我用才用。其實大部份的玩家係忽略了最重要的一點。
光照時間和燈光火數才是最重要。其實我認為光照時間和燈光火數越長越好。因為蝦會為了保護自已係外殼形成一層反光體,令蝦看來更厚白。個人經驗最理想用HQI(150w)就可以係日照12個鐘就可增白,如果用12000k T8x4(18-20w)就要起碼超過18個鐘才能形成一層反光體，由於k數係正<俾>能量在同火數情況下,所以用普通6500k仲要更多時間(唔爆藻就有鬼)
所以與其要成百幾蚊買支管,不如要支Na ada管好過。
不過大學唔洗咁失望,不能形成一層反光體不代表不可以保持蝦的發色,其實只要有足夠的光照時間和燈光火數就可以keep白旁身。
有人就會話咁我24小時開燈d蝦咪好白????
這個想法是嚴重錯誤!~因為發色最主要要追溯血統,第二係您24小時開燈的話,水草就會枯死,草死就開始蝦死(因為蝦缸係一個cycle,之後你就恭喜發財)
有人又會問我用HQI點解會令蝦特別令,我認為因為HQI可以接近太陽光!
當中的uvb可以有助甲殼的生長,但係HQI會令水溫上升,係冬天用就ok.....
但係夏天用的話,一方面燈就不停滾水,不停熱住間屋,另一方面你部水冷就不停噴熱氣,蝦就正,人就^^,電費就更正!~
待續
登入
註冊
問答集
<-----ada缸(養蝦必備)
<---部相機都唔知點影<失敗>
