水草情迷

1.如果我想養入門級既蝦, 邊種比較適合?
2.位置可以12x12x12(可以更長), 邊個近似size既缸有現貨? 邊個牌子比較適中(品質及價錢)?
3.要買什麼設備?
4.total大約幾錢? (以全部"適中"計)

請多多指教, thank you!

1. 入門既就一定選擇櫻桃蝦.....不二之選 (平, 靚, 粗生, 好生養)
2. 12"方缸一定有現貨. (平既3,40元, 貴d 60-80都可以la!)
3. equipment 呢.....
燈 pl11-16w la! ($70-150) (如果種埋草就watt高d好)
濾水器 仿501/真501/細掛濾都ok ($5,60- ~$2xx)
風扇la (~$9x -100) (如果長開冷氣唔使用)
氣bump ($3x)
4. 自己計la!

_________________

參考奇哥俾你既意見行左第一步先，養蝦仔有好多野要摸索架～～祝你成功～！

_________________
Love shrimps！

12"方缸可以養幾多櫻桃蝦?
另外要買水草嗎?
要買沙/泥嗎?
買/用咩餵櫻桃蝦?
仲有咩accessory要買?

12"方缸可以養幾多櫻桃蝦? ...........10隻都可以了，櫻桃蝦爆殖起黎唔係講笑
另外要買水草嗎? ............蝦缸種莫絲就可
要買沙/泥嗎? ............用ada黑泥，ph值比較穩定同適合蝦仔?
買/用咩餵櫻桃蝦? ............蝦基本上係唔駛餵既，佢地本身都會食莫絲上既藻類，若要餵可以用沉底魚糧或蝦仔專用糧
仲有咩accessory要買?............ 只要有過濾，有水流（不要太大）就可以了，唔駛太多配件～

祝你成功喇～養蝦仔好有滿足感架！！hehe

_________________
Love shrimps！

唔好意思, 小弟太多問題, 多謝各位用心解答先~

另外掛濾要用幾大/幾多W? 真/假501有咩大分別? 真/假大約可以用幾耐需要再換?
因為我見到你地d圖好正, 其實我心思思都想一次過整埋底濾, 對新手來講有難度嗎?
ADA黑泥是否得一種? 去買時就咁講"ADA黑泥"就可以嗎? 以12x12來說需要幾多lbs/kg?
1lb/kg大約幾錢?
養櫻桃蝦需要買PH計, 溫度計嗎?
氣泵落水果邊是否用藍色一條果d"石"就可以? 要放係缸邊個位置最適合? 要埋係泥入面嗎?
另外同有d木做既有咩分別?
燈需要殺菌果類嗎? 是否用白色?

好鼓勵, 先睇多一點別人既設備先. 尤其是初接觸魚缸生態.

[討論]麻煩大家可以分享一下大家的蝦缸資料嗎?
http://www.aqugrass.com/phpBB2/viewtopic.php?t=37678

爬下文, 先有好基本概念, 知道蝦友既心得先開始吧.
多用搜尋找關鍵字, 順勢找下其他文章, 了解整個水族生態要點開始, 才去想想要買什麼才適合自己呀.
置頂都有好多有用文章, 唔一定關蝦事, 但係睇左你一定有得著.

_________________
多多交流, 多多研究, 多多搜尋
我的水族相簿

我有睇過, 不過由於太多及有好多"架生"我都唔明同唔認識, 所以先係呢道請教下各位高手應該點入門, 我其實都有去過金魚街問過下, 不過感覺係俾人老點居多, 又或者求其答完就算, 講真買果d係有生命既, 唔係話死左就買過家嘛, 始終想學下點樣養得好d同令佢地生生猛猛, 而且平野都未玩得好又點敢玩高級野呢, 所以希望大家指點迷津