水草情迷

我想問下夠竟黑水晶同鑽石蝦有咩分別???
仲有少少野想問
1.鑽石蝦會唔會同水晶蝦打亂種?
2.黑水晶蝦同紅水晶蝦交配...會出d咩黎?
3.黑水晶係咪貴過紅水晶?
唔該晒大家!~

一般黎講黑白分明d既就黑水晶...反之就鑽石
但其實紅水同鑽石生既就係黑水(有兩者基因)
1.鑽石係水晶既野生種...唔存在打亂種問題
2.黑水又有..紅水都有...茶色都有..講唔定
3.唔一定.....要睇佢既表現同基因而定

咁講法...將D鑽石同D紅水一缸,就會出黑水?
同埋睇蝦米大皇兄個D鑽石蝦,仲黑白分明過D黑水
點解會咁?

1.係
2.因為表現人人評價既標準唔同...
佢覺得唔及心中既黑水咁實.就自然會覺得果d係鑽石....
而且如果佢講係黑水....點知達唔到你心中既"黑水"要求...
咁佢咪日日俾人話佢欺騙人??
所以佢話係鑽石~
第一~佢就一定唔會有唔小心俾錯"鑽石"當"水晶"既情況
第二~佢咁做...d蝦賣平d..俾d新人玩下...唔好咩...?
(p.s.>>>大皇既心意難測~等佢答你啦 )
睇下大大們佢地post既"黑水晶"
你就會收回果句的了...
因為...佢地要求真係好高好高

咁講法,我可以買鑽石,同d紅水生d黑水出黎
唔洗去直接買黑水啦,而唔存在打亂種問題,岩唔岩?

yes

如果講緊我,我100%話你知你錯曬
識我口既好多人都知我無加過黑水晶
全部黑色口既蝦都是A級水晶同少白鑽石混養生出泥
就算外型體色好似黑水,但基因都不是100%黑水
佢地的下一代都未必有穩定的黑水基因
所以我叫佢鑽石,因為是由鑽石母生出

我愛自我繁殖好多人都知,我無丸無V仔只因我近年買入門-A級蝦不夠10隻
近日大量出售鑽石因為已自我繁殖了十幾隻濃厚粗白的"鑽石"
要留空間作研究之用,希望慢慢可以穩定基因令下幾代以後都有粗白表現
唔係黑水晶唔緊要,一隻厚粗粗白表現的"鑽石"都是好多人想要
更值得興奮就係自家繁殖

蝦米大皇兄,大大話話估計你都出售過數以百計的蝦,係數百隻蝦中都只係出到十幾隻濃厚粗白的"鑽石",大家真係可以知道,一隻s或以上級數的蝦,真係不知要花多少時間,心機同蝦數先可以出到~~~~比心機啊大皇

_________________
寶劍鋒從磨礪出，梅花香自苦寒來

係呀,時間唔少,不過只係佢生,又唔洗你生而你造個環境比佢地唔花你好多時間
慢慢繁殖係樂趣,我享受咁樣多過買十數仔丸仔來散丸仔V仔
因為我係靠高級水晶的次一級子孫溝超入門鑽石
當然基因轉變不會好大,如果有恆心不斷挑走曬次級蝦隻,再不斷加入S級以上水晶溝下佢的話一定有助跳級,問題係我無恆心

其實你都會入一d高級水晶的次一級子孫,點解仲要溝超入門鑽石?

_________________
寶劍鋒從磨礪出，梅花香自苦寒來

超入門鑽石係當初口既事,現在做口既係想穩定現有已升級的鑽石基因,提升佢地質素
因為基因唔穩定先會生產質素參差的子孫
同水晶蝦一樣,所以靚種會好貴

靚種CRS一定貴,但係靚種鑽石就好難講,但係你咁做法,最後都會係變到黑水晶咁~~~~所以小弟估計個價唔會高過D黑晶~~~

_________________
寶劍鋒從磨礪出，梅花香自苦寒來

果然平民會諗唔到大皇既心思
大皇息怒呀

我無諗過要變黑晶,我只係想比佢地互溝UPGRADE
有心賣蝦搵大錢我就唔洗咁玩啦
成果經驗享受係自已,正如大家玩紅水晶一樣都係不繼挑蝦繁殖
我只係研究另一樣野,有咩問題?

無問題無問題,只係見你之前提及到"......所以靚種會好貴",所以聯想到錢囉$$$$$$$$$$$

唔好傾$$$$喇,想問一問,會唔會出到紅或茶色鑽石呢?

_________________
寶劍鋒從磨礪出，梅花香自苦寒來