水草情迷

完美的蝦缸!
首先要求「完美」當然「價錢」不要考慮條件, 但香港的魚友們一般都不是住在千呎巨宅。所以我們以一個兩呎缸(大約55升水)加一個地櫃所為基礎。
大家覺得應用什麼過濾器呢?
缸底過濾器? http://www.tonina-forest.net/phpBB/viewtopic.php?t=1622
滴流式過濾?
濾筒??
缸底用什麼好呢? 火山石? 生物環? 水草泥?
種草? 全莫絲? 陰性水草?
光照又該如何??

請各魚/蝦友集思廣益. 為我們的蝦仔蝦女提供一個可行又完美的生活空間!
小弟先為蝦兒們謝過各位!

1) 濾水器 : 我覺得養蝦"清潔"及"水流"好重要....所以濾水系統永不厭多~ 只要水流唔好大到好似打風咁就ok~ 所以~有錢的話...缸底過濾器, 滴流式過濾, 濾筒x2 吧.

2)濾材 : 我覺得蝦係需要好穩定o既水質...所以濾材都一切從簡....生物環, 生物棉, 白棉~ 最多都係加吸氨石, 黑珍珠. 其他 改變水質用品不用.

3) 缸底 : seachem Flourite 砂, or 意大行砂(amencheng1113 兄用緊) or 黑綱沙......ph, kh都keep得不錯, 中性~ 水草泥係好, 可以有微酸效果, 不過一年後就不穩, 兩年左右要換, 對一個生滿蝦bb的缸, 要換成個底床真係.....死傷無數....

4) 草種 : 莫絲就唔少得, 我覺得一定要一些草皮底, 針葉皇冠 or 小水蘭(因為有底濾, 不可以種太高要求的) 草皮底不但可以給小蝦躲藏, 還可以吸收底床分解了的養份...底部更健康! 再加莫絲牆, 莫絲沉木, 考慮造景可加水榕及鐵皇冠類......

5)光照 : 24吋缸, 也考慮草種的健康, 我會用兩支14w T5. 一支白, 一支粉紅.

6)CO2 : 要加CO2, 可能你三,四秒一個泡. 一來為水草, 二來因為夠光及少量CO2, 令水草產生光合作用, 給小蝦氧氣... 水草生長好, 也令水中冇咁多藻, 影響水質. CO2要遲燈光一小時開, 早一小時關. 而且不可以用DIY, 因為有雜質及酒精.

7)其他設備 : UV燈(殺菌), 水冷.


唯一問題係降酸, 以上Setting, pH大概會是7.0左右...可能降至6.6-6.8就好喇....

大概係咁......係一個已經發左一年o既夢, chris兄你真係問到我o既心事...
都係發夢, 一切想法冇科學根據......哈哈!

_________________

www.cau-aqua.net


http://killieclub.hk

1.最好當然係上下滴漏(底空間接滴漏格,水再入番底),桶反而吾係必須,但水妖加幾隻好
2.黑珍珠,吸氨石,棉
3.底當然係黑珍珠
4.莫絲+一d放入去死,要成日換既草,好似蝦柳同一隻吾記得咩名,但蝦食左會紅d既,因為吾會比咁多光同co2,更吾會有肥,因此要一星期換一次,就咁放入去就得,用不鏽鋼夾沉左佢就得,其他草對蝦冇好處,只會增加麻煩.對蝦好就吾好做境
5.1支t5就好
6.吾好用co2,想死呀
7.水冷必須,加個缸外暖管,保證一年都係24度正
8.水保持永遠ph7 kh3,吾好去6.x,吾係硝化做得吾好,分分鐘有蝦死比你睇
9.真正多孔既天然流木大大堆
10.2尺好開心,但麻煩你先放個缸吾放野吾換水(草要放左先),最多放隻螺,放佢半年你先好放蝦,如果再大d,先放一年先講

大大棵白菜大，你個夢同黑澤明套戲名叫「夢」既戲有得flight，大家都係大夢。

_________________
姓草名民，尚草下民，號刁民，因體胖，又名大肥。

其實用「水」.. 我地除

_________________
塘邊鴨一隻

山坑水 NO
礦泉水 知吾知成份先
蒸餾水 麻煩先加入各種元素
白開水 最好吾好

白開水都唔好??

要一個完美蝦缸, 基本上就係取決係過濾系統度.
日本養crs, 5~6個濾桶串接, 都只係用係個 60cm標準缸.
底部就用 ada 泥, 唔知點解, 真係大部份人都用, 亦唔怕崩解要換既問題.
好多breeder 大師, 日之丸都係咁既環境培養出黎.

但之不過, 亦有大大, 清缸水妖, 簡簡單單, 不過要日日吸屎添水, 繁殖不少出黎.

看來都係各師各法既問題.

_________________
多多交流, 多多研究, 多多搜尋
我的水族相簿

SuperCTW大大有冇D Pro.

utopia13兄...唔係

我覺得最完美既缸係可以模擬生態環境又唔使加入好多人工器材
我都試過set一個吉缸,乜器材都無,種一D草,養小小蝦、魚,每日餵少少糧,其他乜都唔做
兩個月都好少死亡,不過玻璃就爆藻,裡面仲係好正常,最後個外觀太核突,一D完美感覺都無,都係放棄左

我一尺以內會養個半月先放蝦
完全零死傷,完全零氮化物
放吾放由得你,但自然平衡未做好,蝦吾死之後打理都做死,我就吾需要點打理

其实小弟觉得最紧要打氧，睇下d虾档成千只蜜蜂都系甘放系个盆仔度卖，虽然偶有死伤，但系绝大多数都生猛。当然距地有大缸做养水。
其次一定要有定分散哩埋，不然聚埋一堆就好易挂，卖虾d人都识放支蕨类的叶落去就系等距地分散开。
至于水质就真系各施各法 啦