水草情迷

本人新手開缸一星期，星期一買了些草，老闆還送了一包珍珠蝦(7隻)給我，用作工作魚喎，現缸內只有草同蝦，但星期二蝦已開始死亡，現只有3隻生存，死前見蝦在泥面傻下傻下(動作很慢)，有些未死的還很生猛，但很喜歡走到濾水口（抽水位置），請問估計蝦死亡原因有那幾種，是否我的新缸有問題。


設備
缸 24"x8"x12"
用草泥底，atman濾桶，溫度約25c
co2每 秒1~2個(長開)，燈照8小時左右
草有：太陽草，紅蝴蝶等
設於大陸宿舍，水質可能不太好

多數都係新缸水質既問題
蝦仔落缸有冇對水呢?
蝦仔對水時間應該要比魚長
希望幫到你啦

謝謝你的回覆, 但我不明你的意思(因我是新手)
蝦仔落缸有冇對水呢?
蝦仔對水時間應該要比魚長

對水基本上係新買回來既魚/蝦 落魚缸時一定要做的
目的係等d魚/蝦唔會有太大既環境上既變化
好似溫度,pH,硬度等..........
所以新買回來既魚蝦最少都要用一小時來對水
http://www2.aqugrass.com/phpBB2/viewtop ... 9%EF%A4%F4
入去睇下/找尋對水會發現好多有用既資料

唔該晒! 下次試下"對水"，看來今次d蝦都會無命，希望上了天堂不要怪我。那我的新缸水質何時會穏定，有沒有得預測?因我打算下星期一會買新燈魚入缸，不希望同樣走向天國的階梯。

你可以試下買銨測試劑,亞硝酸測試
銨和亞硝酸的濃度都係0ppm/極低時就表示硝化系統已經建立
你可以下星期試下買"少量"新燈",燈魚生命力好強,應該唔係問題
最重要都係有一個好既濾水系統

你講的銨及亞硝酸測試劑大約幾錢，我今晚試試在大陸找找
看看價錢是否跟香港相同，我打算買25條新燈(因偷運上大陸一次過)，
濾水桶是在大陸裏買的，內有綿.炭及生物環(運作了一星期)，
如果測試結果不是0ppm,怎樣去攪攪佢呢?

測試劑係魚街賣$30-70都有
新燈上邊賣唔係平D既咩
運作得一星期,如果放25條落去,可能會出事
最好找一D平價魚來試下先.
另外硝化系統只會因時間而成長,所以都係等...
加油丫~

終於7隻蝦死凈一隻蝦，都過了十天了，看來是死淨種哪卦!.
看他很健康，四圍走，但太寂寞了，下星期買D朋友比佢玩下。