各位師兄弟姐妹們，又係我，我又有問題想請教大家……
到底14吋水晶蝦缸用乜濾桶好？
我本來用緊 Eden 501，但唔知係用得耐（一年左右）所以好弱，吸力奇差（條軟喉直駁不銹鋼花籃，睇住啲蝦屎同爛莫絲等喺個籃旁邊漂過都吸唔到入去……）；有諗過買過個新 501，但爬文見好多人話501根本就無力，所以唔想再博……另外，到底 501 個芯葉點拆？
諗過用佢嚟做前置，但又唔識拆……
之後問人拎咗個Hydor P10返嚟試，本來佢有得校出入水力大小，變相可校個又大力過501但又不致於吹到泥粉周圍飛嘅力度（初初入缸要吸水填氣，開盡出入水力，結果吹到成缸泥粉……），不過，問題又嚟，佢用 12/16 喉，啲喉仲又硬又粗，不論係 JBL 定 Ehiem 喉，隻綠色真係好Q醜樣，同個缸甚至周圍傢具好唔夾！到底有無啲 12/16 喉係軟身啲
，又或者係唔好綠色
（我上網睇過話綠色係為咗減少藻類喺入面滋生嘛），但真係好醜樣呀……養缸嘢都係想靚啫，兩條咁嘅嘢，屋企人見到兩條鮮綠色喉吊喺個廳度已經不滿了……
有無師兄姐們，如果養緊或者養過14吋蝦缸，你地係用乜濾桶？咩喉？同埋用咩出入水配件？（我而家無配件駁住條 12/16喉，由佢直接出水，搵棵水榕頂住~
）
唔該各位！
登入
註冊
問答集
