水草情迷

我既12” 缸仔已加左個水妖 , 3 粒蒙脫石 , 再加多個掛濾仔 (用魚缸舊生物環養菌), 加上原有 2213 濾桶, 已開缸一個多月, 有 20 隻水晶蝦 , 加虎紋 / 櫻桃 / 極火 / 藍蝦 約 20 隻…已好耐沒死過蝦, 水亦非常清, 係缸面有小小青台(因 2213 太大風, 蝦仔有啲位置食唔到)…

問題是: 虎紋 / 櫻桃 / 極火不停大肚, 生 bb, 但我個啲水晶寶貝就一粒蛋都冇, 點解…….? 佢地隻隻都搶口 (白倉片糧, 但水晶蝦多數唔夠極火 / 藍蝦搶)……我有水冷 keep 23-25度, ph 約 7

我而家用緊 ph試紙, 想轉用錶, 有牌子型號提供嗎? TDS錶都想買, 有牌子型號提供嗎?

另外, 有個無聊問題想問下, 是否真的要時時 check水質嗎?

我遲下養熟啲後, 水晶蝦又爆到的話, 已同老婆講好數, 轉個 24” / 30” 大缸入書房, 期待中

我而家用緊隻 PSB 硝化菌, 我覺得好正..

櫻桃蝦養到佢生左一次之後就有如曱宅,相信落毒或者全部水抽光先可以令櫻桃蝦唔響你個缸出現

早2日見啲雜蝦飛黎飛去, 好辛苦甘 (因我缸水流好勁), 今早一睇, 多左4,5隻雜蝦抱卵……. 原來飛蝦真係啲蝦仔爽爽前指定動作….

幾時到我啲水晶蝦抱卵阿???????????? 寶貝, 快啲大肚啦…唔該