水草情迷

黑線飛狐可唔可以同水晶蝦一齊養?????
如可.佢會唔會傷害到蝦B同埋鍾意反泥,反迷矮?????
養佢個目的係拎黎食黑毛藻.....

當然不可!
黑線飛狐會食蝦, 是小弟親眼看見飛狐攻擊櫻桃蝦(1.3cm的成蝦),
攻擊兩次就倒地被吃

蝦Ｂ　應該大部份魚都會攻擊
黑線飛狐唔會反泥反迷矮

我條巨大肥飛狐又唔會搞D蝦喎，至多搶D蝦o既野食

不過唸住佢食黑毛，勸你死左條心，我養咁多條未見過有一條會食，除非成個缸都唔餵

我都係轉左大和蝦,琴日買3隻.....真係好大隻.....

我都見過飛狐攻擊蝦,如果蝦多虹大,預埋蝦B死傷,都可以.

我親友到都見過黑線飛狐在24寸缸食黑毛,好快食到乾淨哂,而家食糧都食黑毛,食到成隻豬咁.
自己都想買一條清下少少黑毛,請問師兄黑線會唔會食米奇BB?

知你親友個缸的設備同如何打理嗎
知d,睇左d,就加魚,怕你變大咸拾
重有,最重要的問題,是蝦缸嗎

_________________
再戰蘇蝦

開咗個30吋草缸約两個月,魚黑線飛狐x4小精ox2,水晶蝦前後放咗21隻,到現在只發現一隻其餘相信己經抄咗蛋喇,我已前玩個40吋缸設備同生物都一樣啲蝦仲可以生B添,家陣都唔知点解抓晒頭,但有一個可能性就係啲飛狐我記得以前係黑店買既一條要十幾也蚊但呢次就15蚊有4至5條,究竟係咪奸啲飛狐事呢？

_________________
ds

TO "蠍子仔"
Miss 左你個POST,不好意思!
親友和我的都只係魚仔缸!
佢基本上係好小打理,因只有魚仔和陰草.
我的都買左條黑線飛狐, 即晚開工,但未食哂黑毛,過左幾日便跳缸BYE BYE.....

飛狐會食黑毛,我買左三條,其間瓜左一條.同時最好糧都要餵小D,我之前每日一次變成兩日一次,光就照舊時間照兩三個月黑毛會冇曬.飛狐係會咬蝦.我之前個缸好多莫絲,飛狐食唔到幾多,但近日我清左好多莫絲,久唔久都見到一D又新鮮但散散地0既櫻桃蝦屍比飛狐啜緊,好在之前勁多莫絲果時生落唔少,而且有兩隻抱蛋蝦好醒目咁終日躲在石底.......所以未至於要買新蝦,不過如果養水晶蝦就真係三思.飛狐係會食黑毛同時亦會食蝦!!