水草情迷

小弟我本身有一個9吋缸, 遲下襯住執自己個睡房, 想整多一個24" 缸

經過小弟爬文, 及網上格價之後, 好多人都係用
前置+ e咸2217x2 + 水冷咁行

但真係幾貴....
係爬文時搵到一個post講"滴漏", 我其實唔係好記得係唔係咁叫.

我有個咁ge構思, 唔知可唔可行

唔該咁多位師兄

運行大致上都O.K.
用滴漏方法好處在於省電，無須購置濾桶較容易打理，建議過濾缸用黑色膠全包及加蓋遮，因硝化菌要在全黑環境才能產生效力。
入水管加閘掣，控製流程免超額滿溢。

唔該哂師兄,
那請問過濾缸大約要幾大先滿足到24吋用
缸內應分為幾多格呢, 我個人諗住分做4-5格, 第1格住放過濾棉之類, 2-4格放環, 最尾淨放抽水泵

抽水泵要幾大流量最好? 有冇咩牌子推介?

水冷我諗都會係海利150a

問題多多....煩請見諒

那請問過濾缸大約要幾大先滿足到24吋用
濾缸無規限大細，要視乎你的地方位置而作決擇，當然大較細好，起碼存放濾材都多D儲菌量和水體都多D啦。

缸內應分為幾多格呢, 我個人諗住分做4-5格, 第1格住放過濾棉之類, 2-4格放環, 最尾淨放抽水泵
滴漏缸亦無規限幾多格，4~5都夠哪，你的編排可行；有D朋友會加活性炭又或黑色生化棉既，只屬個人喜好。

水冷我諗都會係海利150a
水冷150A係O.K.

抽水泵要幾大流量最好? 有冇咩牌子推介?
都無所謂，有貴有平，視乎牌子及可靠性；抽水泵流量如養蝦就無須過猛，一般即可但不可太細喎要計埋經水冷喎，又可在排水喉加閘掣作調校。

其他補充睇有冇師兄幫下喇！

主缸係咪真"滴漏"先,如果就咁用士的落水一停電,主缸水會虹吸全落到砂缸,一地水

_________________

師兄, 唔明點樣叫真滴漏

小弟不才, 麻煩解釋俾我聽呀, 唔該

有網友提議一開就3個缸, 2個24", 一淘汰缸, 一種缸, 一濾缸
種缸同淘汰缸串聯一起, 這樣會更平

如果我set個位師兄咁講, 個"抽水泵"係唔係應該都要1500l - 2000l 到? 而水冷150a一定唔夠, 是否應該用200a???

我叫個個所謂ge"抽水泵" 係唔係咁叫ga?我頭先落去魚街睇黎
佢有好多名, 又水流泵, 又潛水泵...其實係叫咩名?

而燈個方面, 假如真係兩個24"缸申聯 咁有冇42"燈ga, t5 夠嘛? 因為都係種莫絲
預係玩爆殖, 假如一路都無事ge話......

再一次唔該咁多位先

p.s. 會唔會好嘈ga d水聲? 因小弟會放係睡房

假如蝦缸使用呢個設計, 能否解決 小斑兄 所提到的問題呢?

這圖係借水族田園裡, waiking兄 的post 裡面, 佢所提到的設計,
在此向 waiking兄 感謝 及抱歉, 未有向你詢問就擅自拎左黎用, 對不起

你的設計可行的
不過鑽穿缸底加支菅做滴漏仲簡單又可以當除油器用

_________________

鑽穿缸底?

簡單的意思是什麼呢?可否詳述俾小弟知
謝謝

你有睇睇我改左你張圖嗎?
鑽穿缸底加支直菅上去,下面缸抽水上去,水位高過支菅就會流落下面個缸,停電水位低到支菅頂就停!!

_________________

初開設新缸時造定就好，後期再在缸底鑽孔就煩死兼昂貴！
不過都係好方法，多謝分享！

謝謝師兄的意見, 唔知仲有冇其他師兄提供意見呢

我想問24" 用T5夠嗎? 因小弟只是種莫絲

現用緊24W,T5HO X 4, 似乎過強，平時只開兩管就夠，如全開就容易生藻！
建議T8X3就O.K.!

請問大約幾多錢到呢?

我見係魚街d價格差別都幾大...有d百幾蚊, 有d去到5百幾蚊

唔該師兄

这么麻烦不如买国产滤桶