水草情迷

我最近買了隻紅水晶蝦,有乜方法可令佢更紅,用燈照與否有沒有影響?

你是在那裡買呀?

水X店$120仲有

水x店我沒有看過.
你是否水質有問題呀?

現在都有~~今日先見到~~120一隻~~

不過佢啲人啲真係冇咩禮貌~~
今日我朋友想訂彩虹鑽石蝦~~
咁有一個好似老闆的人話冇~要等下~ok~咁我朋友想再看看藍眼鏘及火箭鏘~想買幾條~
點知竟然有一個伙計對住我們話~"你等到個天落雨先比你訂"~
吓???是我們聽錯??還是會錯意??個天落雨先比我們訂??
倒不如你等個天落雨先開鋪啦~
我個朋友把幾火~咪走佢~費鬼事同佢講~
最後~我朋友係亞佬都買了藍眼鏘及鑽石蝦~~

亞佬即係邊度呀?是不是亞X信呀?我昨天再同水X店買了3隻水晶蝦,本想買鑽石蝦配種,佢都好有禮同我講話唔會返住,其實我以前都同佢地買過20隻鑽石蝦,但放落草缸1個星期就消失曬,200蚊蝦全部無曬(當時好似賣10元1隻)亦無可否認佢返個Ｄ真係幾高質幾靚,‧而今天我都去過亞X信睇過,佢好似得入袋個d,好似$70袋得唔知幾隻,但質數就同我以前响水X店買的差好遠,最終都無買(返而佢大缸裏面有幾隻幾靚),如果真係買唔到,我就等第2批水晶蝦返再買多幾隻回來配種

好似用Tetra增紅糧(金魚用)! 唔知得唔得!!

是係大缸內買的~~~袋裝好似唔係幾好的~~

您好啊! 我開了蝦缸約4個月,都而家都無乜死過蝦(除了3隻是跳缸死外),我蝦缸的設備:8x8x8吋缸,ada紅泥鋪1吋半高,掛缸濾水(裏面放了白綿,生化綿及少許活性炭)濾水頂加了一把電腦用的12v風扇,(run)度計,暖管,大量沉木及莫絲,水晶蝦4隻,蜜蜂蝦10隻,長鼻蝦10隻,今天缸內水(run)23.5度,ph值7.2 ,水晶蝦我對水1個小時放入缸(我check過買回來的蝦裏面的水是7.4而我缸水7.2,所以對一小時已足夠),喂食有紅蟲,用來谷七彩神仙出紅色的乾糧,所以Ｄ蜜蜂蝦隻隻都谷到紅曬!一天食兩次,每天換1/6缸水(無養水)如夏天蒸發了Ｄ水,我就唔換水,只加水至原本位置

大缸Ｄ蝦比較好.蝦身顏色比較黑白分明,幾$$隻?(不過我都係覺得以前响水X店買果Ｄ靚Ｄ,所以無買)

我個草缸都一樣,試過一次過買120隻蜜蜂蝦放入個缸,一星期丁曬,死剩隻買了半年的大和沼蝦,但我懷疑可能我落Ｄ肥谷Ｄ草時,一落肥就死好多隻,呢個可能係最大剎蝦原因,至於缸低Ｄ垃圾,我都係拿條氣喉慢慢吸,或用手放入缸近泥位置,用手撥兩撥,等Ｄ垃圾洋起再立即用吸管吸走