水草情迷

新手扮老手學養蝦，開缸咁耐就濁足咁耐，唔該各方好友幫幫忙睇下點救。

setup：
缸身：9"x9"x14"既細缸
泥：3"吋厚ADA幼泥(已用左半年既舊泥無換，攪到D基肥浮哂上黎）
過濾：Eden 501（舊濾材）
草：正三角莫絲扎木兩件，迷矮
CO2：每分鐘5個泡(24小時不停)
生物：約50隻蜜蜂蝦，2條小精靈，一堆蝸牛仔，一堆芝麻類水蚤（未確認）
餵食：從未餵過

唔知係個過濾唔夠力定D蝦仔屎太濃！開頭個缸有好清我就加左10隻蝦，點知過左唔夠幾日手痕就買多袋加多50隻，跟住就黎料啦！

依家過左成3星期咁耐都係死左約10隻蝦，但係缸水真係無計，點都唔清，唔知轉用eheim 2211會唔會好ｄ，定係真係大攪作要加番個缸底過濾？請大家比ｄ意見！謝謝！

我睇個濾桶o既問題唔係最大，首先你個缸咁細，o的生水已經唔多，你o的基肥浮晒上面，基本上你已應該重新翻缸舖泥，第二當然係你入蝦太快，你咁細個缸好難一次過容納到咁多蝦咁快加入，個硝化系統都未適應到咁多蝦屎去處理，要幾隻幾隻咁加，第三係你咁多蝦o既同時，要加強打氣同換水加密，唔需要換得多，隔日十分一咁換或每日一量杯水咁換(當然係已處理過的水，即隔晚打氣)，第四，你個501可以繼續用，不過我建議你加多一個501或相若流量的濾桶仔加強及加快硝化系統可容納更多生物因為養蝦唔好咁大水流而且流量慢更可生長更多硝化菌，水流可慢慢流過濾桶過濾更徹底，最後對水o既時候唔好急，慢慢對水對溫，等o的蝦慢慢適應新缸水就無問題，這是我個人曾經細缸養水晶蝦的經驗作參考。

多謝Alex的答覆，問題已解決！經過多4天時間，硝化系統應已成立，個缸水清好多！期間我都係換多左一次水，約1/3缸。始終都係加蝦加得太急，諗住個缸應該承受得起，點知都要玩左成3個幾星期！無乜蝦死我唔多擔心，最怕係要加多個濾桶先攪得掂缸水清，因為先前已經送出一個eden 501比朋友，若果又要再買多個強力既濾桶就真係唔多太願意。

現在另一個問題又來了，可能先前缸水太多有機物，到依家水清時先睇清楚多左黑毛藻，唔算嚴重，唔知有無高手可以教下點清理？

勤力方法=翻缸 (最徹底)
較懶方法，將生有黑毛的植物移離，物件就用一比十開稀染白水浸一陣，再用清水過，風乾放回缸 (有可能有殘餘)
最懶方法，加種陽草、加除NO3濾材，合除鱗石、活性碳等試試 (未必有效)

翻缸就唔想啦，因為黑毛唔算好嚴重，寧願勤換水，見到有就剪好過。

曾經諗過想加綠松尾，呢隻野都算會生長快，唔知仲有無好介紹？

會剪到你唔想剪

咁又未必，因為一個氮化物多既缸先多黑毛藻，我以前試過石頭上邊都幾執黑毛，但係控制缸水質好，都無廣散到。只係我唔知依家會唔會有些好藥或者好方法可以清除哂～