水草情迷

我之前一直有養魚，近來有個朋友D櫻桃蝦生左好多蝦仔，佢話比D我養，我心思思就決定開個新蝦缸。我個12"缸用蝦泥做泥底，一舊沉木紮莫絲及莫絲瓶，一支U型魚缸燈，一個瀑布式過濾，一個四頭風扇。養左水3星期左右，上星期日朋友比D蝦仔我，我對了一晚水，星期一放D蝦仔入缸，之前餵D魚仔片糧比佢地食，昨日去魚街買了一隻蝦糧比佢地。蝦仔入缸一星期，日日都有蝦換殼，直到昨晚發現一隻死了！
現在有幾個問題想請教下各高手：
(1)我用呢隻泥底(個袋紅色，有幾隻水晶蝦係面$60袋)養蝦正確嗎？還是用ADA泥好？
(2)我去X奇買蝦糧，我買了一隻$32的蝦糧白色樽有幾隻水晶蝦係面，啡白色粉狀，我見同牌子有兩種，我問店員有乜公別，佢話一隻谷紅，一隻谷白，我買了谷紅那隻，我養的是櫻桃蝦，會谷紅嗎？這牌子蝦糧好嗎？
(3)D糧入水後比D蝦搞兩搞就跌入泥入面，D蝦會食到嗎？而D糧跌入泥入面後會唔會影響水質？
(4)我今日發現有白線蟲，係唔係水質出左問題？我昨晚發現死了一隻蝦關唔關事？
(5)其實蝦仔應該一日餵幾多次？
(6)蝦可唔可以不同品種混養？我想加虎蚊蝦同黑殼蝦入缸，唔知得唔得呢？
謝多多指教！

唔該有高人可以指點下我呀？唔該！