[問題] 水草、蝦蝦、Co2、水泵的問題

Andy Kong · **發表於 :** 2007-03-06 12:12

鏍絲寫:

點解會有陰草呢？咁就要了解大自然依個物競天擇既世界，相信你都同意草要靠陽光去進行光合作用，有d草會一路標高去盡量吸收陽光，有d草唔夠爭，死死地氣咁係d高草下生存，久而久之，進化到少光都可以生存，所謂少光，係太陽照射既時間短，唔係照射弱。
不過去到魚缸，好多時都唔可以將大自然理論直接套用，你都唔會開一個鐘頭燈熄23個鐘，所以先會有弱光長時間既照明。不過點弱都要有最低要求。

你個缸有成26"深，除非你買d高草返黎種，唔係穿透力唔夠既燈，係草既角度，即係冇光，要知道人睇既光同草吸收既光唔同。
你諗得冇錯，魚同蝦都唔係太喜歡強光，更重要係食物同有避難所，所以魚蝦都較喜歡有草有石既地方，不過如果有野食，佢地都會飛身出黎。
所謂強光，相信你指係眼所見，接近正午既光，不過4000k已經係接近黃昏既光，係一個兩全其美既方法；反而如果你唔鍾意太暗既缸，可以加pl去滿足你對眼。

部份水草係可以由葉面係水中吸收養分；蝦魚所須既係食物、飼料，唔係肥料。

若如你所言，d草唔夠爭，死死地氣咁係d高草下生存，那它們便需同時面對弱光和光照時間較短的問題。就我觀察所得，無論是高身或矮身的陰草，葉的面積也會較陽草大，如皇冠，鐵皇冠，椒草，水蘭，水榕，睡蓮等，都以利用較大的葉面積令自己能在弱光下也可吸收足夠的陽光作光合作用。而且當中不缺高身的陰草，所以說陰草是死死地氣咁係d高草下生存會有點不完全。

我自己的經驗是，有很多草真是受不了強光的。椒草受強光會出綠點藻，水榕受強光會變細葉和黑邊，鹿角鐵皇冠受強光會變黑，黑木厥在低光會儘情發揮它墨綠的質感，紅久冠受強光葉會快老(薄)和穿孔，整棵草會偏幼弱，但搬去陰位它的葉會較沉色和富光澤，整棵草也會粗大起來。

我以前的陰缸，是約 2L 水 1 w 6500K 燈的低光策略，光照仍維持每天 8 小時，紅草頂的 PL 會開多一小時。另一方面，用 5200K 偏黃的鹵素燈種陽草，生長是完全無問題的，但在演色上卻較差，所以用 6500K -8000K 的燈來滿足演色和觀賞要求是肯定的，但小弟認為這取向是陰草和陽草也合用的。

MP4-22 · **註冊時間:** 2007-02-26 11:18 **文章:** 37

Andy 兄！

請別介意，我只是想多聽一點意見！沒有別的意思，當然也不是不相信你的說話(你也是出於好意幫助我們能了解多點)。如有得罪，請多見諒！

1 假設我的缸為例，約350L-400L:選用以下2種情況會產生什麽問題？

i) 用2個鹵仔燈(共300w)4000k or 5200k ，離缸面10吋-12吋左右，這樣算強光嗎？
ii) 用T5Ho 54wx6 6500k，離缸6-8吋，這樣又可唔可行呢?

Andy Kong · **發表於 :** 2007-03-06 23:23

MP4-22 寫:

Andy 兄！

請別介意，我只是想多聽一點意見！沒有別的意思，當然也不是不相信你的說話(你也是出於好意幫助我們能了解多點)。如有得罪，請多見諒！

1 假設我的缸為例，約350L-400L:選用以下2種情況會產生什麽問題？

i) 用2個鹵仔燈(共300w)4000k or 5200k ，離缸面10吋-12吋左右，這樣算強光嗎？
ii) 用T5Ho 54wx6 6500k，離缸6-8吋，這樣又可唔可行呢?

只要你提出到問題來討論，點會介意呢！提問和質疑是我們追求知識的最佳途徑之一，而且我絕對鼓勵大家不要我講你信，因為我也希望能和大一起參詳，若是單向地我講你信，你唔悶我都悶，捱唔到咁耐亦無 drive 講咁多！

(1) 是否算強光？在此燈光下，會因光度不足而生長不好的草不會太多，我會形容為偏強但還不算太強！

(2) 也可行，我應為單光度計，6x54W T5HO 肉眼看會比 2x150W HQI 更光，但穿透力其實無咁好，所以 24" 缸高壓前景草無 2x150 HQI 咁好，但中後景會更光。另一方面，草除了夠光外仲要光譜適合，在這方面，鹵仔比 T5HO 有很明顯的優勢。用 T5HO 的好處是可 flexible ，可選擇開 4 枝管或 6 枝管。

但 2x150W HQI 或開晒 6 枝 54W T5HO 管的話，都不算陰光了！

最後，這些只是 in general 的說法，其實意義不大，因夠唔夠光定太光是視草種和種植密度而定的，所以去到這階段，你應要初步揀草了，有了草的 list 和大約希望 achive 的密度，討論燈具的配合便較到位了！

水草情迷

[問題] 水草、蝦蝦、Co2、水泵的問題

誰在線上