水草情迷

想用個新24吋缸種水草後, 養幾種不同的短鯛, 請問最多可放幾多種呢??
而又不致於互鬥而死呢!!
心目中想養: 亞卡西, 酋長, 超紅鳳尾, 熊貓, 棋盤, 金眼, 荷蘭鳳凰...7種
缸內應什樣佈置呢??

_________________
以前養狗玩到走火入魔...世界級...好大壓力！
改行玩魚減壓, 樂無窮。

7 種 !!!, 打死佢地呀...唔好咁心急吧, 害o左o的魚咋..
我 30吋, 一對酋長, 一對金寶, 都追黎追去..
你想養個o的, 除o左棋盤, 其他都爭地盤爭餐死, 得 24", 點夠分配呀.. 看看其他貼文, 先了解一下吧.

_________________
多多交流, 多多研究, 多多搜尋
我的水族相簿

試下啦,冇人試過,我都係48吋養:亞卡西, 酋長x4, 鳳尾,皇冠棋盤,三線,維吉塔,花面.

24吋養7種基本上係冇可能
重要有大口的鳳尾和荷蘭鳳凰
九死一生
就算你用草遮
遮完個缸都冇乜位啦
咁樣o的鯛一定打瓜

請問:
24"缸,養7對唔同的短鯛,若以透明隔板隔開,即每隔3~4寸要"洞"一塊透明板,且在板上鑽許多許多的小洞,以便使用同一個濾水器讓水流經過!
這樣方法可行嗎?有人試過嗎?可夠繁殖嗎(短期內)?

若在相接的兩面種上草
這方法是可行的
但要小心的是疾病之傳染也較快
但3至4吋位會唔會太細???

若以透明隔板隔開,即每隔3~4寸要"洞"一塊透明板,

短鯛坐監?
養魚魚都係想睇佢地自由自在水中游啫！

我唔會o甘做,我只你突然想起,且相信有鯛友是如此這樣在做,不知是否work呢?
o甘又若有2尺缸,養短鯛,最多可以分幾隔?三格?四格?應如何佈置?以及器材的擺放應如何?
可否賜教?

其實咁樣的話真係唔似養魚.. ... 板間房去養魚, 就真係有D似禁固佢地接客咁(繁殖多於觀賞), 實屬違法, 差人拉架, 小心!

引起各位大師兄誤會, 先說聲 sorry
我不是要全部7種一起養, 只想養些能和睦相處的, 更不是要把她們大量繁殖, 只當燈魚觀相吧!!!

P.S. 可養那些品種在一起呢???

_________________
以前養狗玩到走火入魔...世界級...好大壓力！
改行玩魚減壓, 樂無窮。

我個草缸20"x12"x18"也養了亞卡西公x1，祺盤一對，酋長x4，三線x1，黃金一對，鳳尾一對，藍袖一對暫時也沒事只是亞卡西常爭個產樽，可能他是第一條在草缸中所以惡d....

棋盤+你心目中想養的其中對就夠了。