水草情迷

養咗短鯛一段日子，亦同過不少鯛友交流過，發現大家的方法都有不同，現總结一下：

1.照顧方面
幼魚比父母或母帶; 成活率低, 但不良品少, 較慢大
幼魚獨立飼養; 成活率高, 但不良品多, 較快大

2.餵食方面
一日多餐, 勤換水(日日換); 快大, 色澤及體形難控制, 平均壽命短
一日一至兩餐, 較少換水; 慢大, 色澤及體形較自然, 平均壽命長


希望各位鲷友分享一下你的揍BB魚心得!!

我有對公主...頭兩胎係自己帶...係成活率高同埋較快大
我一日多餐勤換水....... 問題無咩....

今次想試下比母魚帶,點知.......第一日見到有80粒卵, 第二日得番一半,
第三日見到佢自己同我挑魚種..... 將D弱既魚仔食番.......第四日......
今日....最尾一條....我都睇住佢食埋!!
我無嚇過佢, 同埋第二日見到卵受左精就以經....羅走左條公!!

今次...見唔到天輪樂....下次都唔知自己帶定比母魚帶好!!!

其實要睇返對魚本身既感情好唔好,好影響架.@>@~
我果d媽媽帶多,生存率可以去到99%,不過有d去到10%都有可能架.
環境因素都好大,如果本身環境唔o岩,魚媽媽食曬bb既機會好大架.
只要環境o岩既話要做到100%唔難~^.^~
有時爸爸媽媽一齊帶魚仲開心呀~^.^~
不過其實對比返係大自然,有時可能100條入邊得幾條可以長大成魚架炸^.^

我自己試下過一日8餐同埋一日3餐
分別前者快大d但係身型肥d~後者身型靚d~

不過都係果句~~唔同人唔同環會出唔同既魚~~^.^~~