水草情迷

我見發達門口個缸係咁..
只早前見魚友說短鯛會追孔雀的尾來咬..
其實可唔可以混養呢?

個缸要夠大，夠高，咁會好好多。

其實真的吾係太好！兩頭吾到岸！

我個缸22"高
食了孔雀,紅蓮燈,棋盤,荷蘭鳯凰等等
完全無事發生
孔雀繼續生D大尾BB給我
棋盤繼續係缸底搵食
荷蘭鳯凰繼續兩公婆追來追去,有時仲生蛋添...
點解唔可以呢?

.........................................!

唔信?
我的孔雀魚BB可以多到送俾人
由其是那些用ADA黑泥而又想食孔雀的朋友
我的孔雀魚長期在pH5.5的環境下生長
乜事都無, 食得訓得, 條尾一樣咁靚
絕無燒尾, 爛尾等由酸水帶來的疾病

其實短鯛與孔雀的生活空間不同, 短鯛生活在水的下層為主, 而孔雀則是在上層, 我想只要個缸不是太淺, 兩者混養不是問題的。以我的經驗, 在我的舊缸曾養孔雀、亞卡西及棋盤等, 雖然只得12吋高, 但短鯛並沒有打過孔雀喎, 反而是它們內訌攪到爛尾就真。

cyber兄:你d孔雀養左幾耐呀?

我都混養o左成個月,無乜問題丫,D孔雀仲生BB

我的孔雀已經係養了差不多半年了
但頭一批孔雀BB和佢老豆老母就係由細缸轉過來大缸的
而其他黃尾禮服, 藍尾禮服和現在剛出世的孔雀BB
就係直接入大缸的
但大缸和細缸我都係用ADA黑泥的
長期接受pH5.5的環境

唔好意思cyber兄,其實我有d離題野想問.....
我養親孔雀都唔係白點就燒尾,想問下你養孔雀既心得o者!!

我無乜心得0架
新買回來 / 人地送的 魚我都係由佢連袋
放係缸內30分鐘, 然後將袋水倒掉
再放入缸就算的
所以我養親的都唔係貴魚

白點我就唔知喇...
可能你缸水溫差大0瓜...
燒尾就...
坦白講, 我之前係細缸條孔雀公都燒尾的 (唔係好嚴重)
後來轉大缸後新回來的魚就無咁0既情況
咁佢地生出來的魚仔當然無呢個情況啦!
話哂一出世已經係飲呢種水大...

CyberCatt兄，
"所以我養親的都唔係貴魚" 吾怪得你混養啦！嘻嘻！
看你如果買對日本成上千銀的孔雀會不會放落d PH5.5水到。嘻！嘻！ (純粹講笑咋！吾好鬧我啊！)

我諗在水草缸養孔雀由細養

有台灣網頁說燒尾是因為換水過急。宏記是用氣喉慢慢滴咁換的。可參考。