水草情迷

上星期買左兩條荷蘭鳳凰，一條俾左朋友，一條自己玩，
健健康康游左幾日，今晚突然游側泳(就死!?)......　

問返個朋友，同日買俾左朋友果條，尋日食得游得，
今朝離奇暴斃，死魚屍身完整，冇表面傷痕，係事有湊巧?
定同一批魚有問題呢?　

大家估計係咩原因呢?　我覺得荷蘭鳳凰好靚，唔想就咁放棄!　
我個草缸ph value 7，26度，同紅蓮燈/斑馬/荷蘭金絲/飛狐混養，
我朋友都係草缸，冇其他資料....

題外話，今日行魚街，見d荷蘭鳳凰貴左...........　

你買時是乜價位?
是否通街都有的大陸荷蘭鳳凰:m
係就唔出奇，我以前在天X墟買一袋10條，都好短時間內離奇死亡...

$20一條太子新魚街買

如果真係大陸荷蘭鳳凰有咩問題?　

其實，個人覺得荷鳳真係好易死，要時時留意佢o地o既情況。一發覺有事就要即刻依症落藥。通常都係胸鰭有小小發毛，之後感染埋個鰓，係水面上浮一至兩日後歸天。如果係新魚落缸，一定要徹底對水+消毒後再放落缸。而如果有其他新魚入缸，亦都要徹底消毒先入缸，因為體質弱，好容易受到感染。另外，如果餵冰涷紅蟲，就算係UV紅蟲都最好消消毒再餵。

養過三對瓜o左兩對後o既感想.. 淨返果對依家一個星期左右散一次，散到我照顧唔及....@@