水草情迷

想問下居住問題！
短鯛住個ｄ屋仔，請問係邊到買呀！？
同埋最好一個缸養一對定還是更多！？

d鯛樽魚街好多檔都有啦, 而家有好多唔同形狀tim
一缸如果細缸, 一對好啦. 想繁殖, 就更加一對好啦~

_________________

如果個魚缸24吋,幾多對最好呢!?

如果個魚缸24吋,幾多對最好呢!?

睇你係想散魚 定想養好多
散魚就一對

_________________
就係鯛ｂｂ，佢令你笑，又令你煩
我明知故犯，中意作反，唔講道理，唔洗比面你
你可以嬲我，話我，哄我
總之要將你既注意力比曬我
因為我有好多好多需要，去成長，去長大

如果玩繁殖, 你唸住散到b+ 可以養大, 24寸缸都係一對就必定架啦.
如果單係養鯛for 觀賞用, 多d草比佢地, 都可以3,4對. 其實..如果真係觀賞用, 就唔洗買一對對, 全買公魚重有睇頭啦~

變態d, 我以前試過24寸缸, 爆缸爆到2,3十條鯛都有.咪話唔驚....睇你點養, 當然..我又唔會鼓勵你咁養法~

_________________

咁我想問下我呢d剛想養短鯛既新手黎講,我應該養邊隻短鯛養主先呢!?
同埋如果有鯛b 生左黎,可唔可以同父母一齊養呀!?

其實我唔係幾主張以"岩新手"既觀點出發去選擇購買
其實...鯛某程度上都幾粗生, (散就係另一學問),正常來講你買到一對健康既魚返來, 排除一d 可能存在問題, 例如寄生虫, 健康狀況差..等等. 鯛係粗生既.

所以我覺得你應該選擇"你喜歡既外形既種類" 為先, 以免到時你唔喜歡又要養住佢, 呢個先係問題~

反而岩新手可能有另一定義, 就係價錢問題, 你可以選擇一些岩你心水價格+合你眼緣~

如果散左魚, 一般既做法係會捉走公魚, 等母魚自已帶, 但是, 其實有時可以公母一起帶都可以, 不過唔係條條魚都得, 保險做法, 大路就係會捉走公魚.因為你唔會走去"駁"or"試下" 果條公魚帶唔帶到.或者試下條母魚比唔比公魚帶, 或者又試下母魚既情緒變動之類......

_________________

c 兄你既意見 好好...多謝哂先.....
但係我唔知邊到有得睇鯛既種類......
同埋價錢方面,初次養都唔係太敢博.......
同埋我諗主上網再同其他c兄買.....

http://www.aqugrass.com/cpggallery/index.php?cat=14
呢度好好用架, 同埋去下d鯛區貼圖~

少少建意, 睇完圖, serach下文, 溫功課, 出街睇下實物, 一對鯛, 高質同底質可以外表吸引力差好遠, 所以行多幾間, 睇多d類別, 睇多d唔同質數, 就總結你既購買目標~ yeah!

_________________

魚街個d價錢會唔會比網上既價錢貴呀!?
同埋一個草缸加ada 泥,加沉木既環境,岩唔岩d短鯛呀!?

同埋咩叫高質同底質!?

唸..呢個問題............
各有各其取啦..哈哈哈

魚街你可以睇實物, 睇到條魚既真身, 可以觀察下魚既健康狀況
網上購買價格一般會比較便宜點, 有時會執到好野, 網上就選擇信用良好啦, 睇你經驗啦~

ADA 泥+沉木+陰草, 係好傳統大路既做法, 初哥者可以跟呢個SETTING去馬就冇死

_________________

高質數 & 低質數
如果初哥可能真係有點難度, 慢慢來, 睇多D+睇多D+睇多D+睇多D+睇多D+睇多D, 就自然會識分.
初時或者以眼緣為先啦.

_________________

我而家仲〔諗緊養咩鯛好...
始終都係新手,想養一d價格平d,個樣都ok既鯛養主先...
唔知有咩好介紹呢!?